Paris Saint-Germaini po vazhdon me kërkimin e një portieri, duke qenë se Alphonse Areola nuk po duket aq bindës sa ka shpresuar Thomas Tuchel.

Pas humbjes befasuese nga Rennes në Ligue 1, trajneri i kampionit francez ka nisur të dyshojë në aftësitë e portierit të parë, ndërkohë që bordi i klubit është angazhuar për të sjellë një gardian tjetër me përvojë.

Sipas RCM, strategu gjerman ka kërkuar nga klubi që të përpiqet të transferojë ose Gianluiggi Donnarumman nga Milani ose Navasin nga Real Madridi.

Keylor Navas (Foto: Denis Doyle/Getty Images/Guliver)

Pas humbjes nga Rennes, Tuchel e ka bërë të qartë se çdo lojtar duhet të angazhohet për pozitën e tij në skuadër dhe këtu nuk bën përjashtim as portieri.

Të gjitha lajmet nga Keylor Navas Të gjitha lajmet nga Keylor Navas

“A do të mbetet Alphonse (portier kryesor)? Nuk mund ta konfirmoj këtë derisa afati kalimtar është ende i hapur. Secili lojtar duhet ta dëshmojë cilësinë e vet, duke përfshirë edhe Alphonse”, është shprehur Tuchel për RCM. /Telegrafi/