Thiago Silva është gjithnjë e më afër kalimit te Chelsea.

Mbrojtësi brazilian u largua nga Paris Saint-Germain si lojtar i lirë, pas finales së Ligës së Kampionëve.

Edhe pse skuadra franceze tentoi të bind atë me një kontratë të re, duket se The Blues e kanë bindur atë që të kalojë në Stamford Bridge.

Sipas asaj që raporton Sky Sport, Silva është nisur në drejtim të Londrës për t’i kompletuar testet mjekësore te Chelsea.

Mbrojtësi qendror do t’i kompletojë testet mjekësore të enjten e kësaj jave, derisa të premten mund të prezantohet së bashku me Ben Chilwellin e Leicesterit dhe Kai Havertzin e Bayer Leverkusenit. /Telegrafi/