Sëmundja e meningjitit si sëmundje ngjitëse në këtë periudhë të vitit ka prekur edhe qytetarët e Kosovës. Statistikat e Klinikës Infektive pranë QKUK-së thonë kjo sëmundje që njihet si inflamacion i cipave të trurit këtë fillim vit ka atakuar 8 persona, prej tyre 5 të rritur dhe 3 fëmijë.
Infektologu i Klinikës Infektive, Arben Vishaj për KosovaPress ka treguar se sëmundja e meningjiti është sëmundje e rëndë dhe shkaktarë të saj janë viruset apo bakteret.
Sipas tij, përparimet në infrastrukturë në këtë klinik kanë mundësuar diagnostikimin më të shpejtë të kësaj sëmundje dhe parandalimin e viktimave.
“Po sëmundja e meningjitit është një sëmundje e rëndë e cila vjen si pasojë e afeksionit të mikroorganizmave në sistemin nervor qendror, duke shkaktuar infeksion të cipave të trurit. Ne aktualisht në Klinikën Infektive në repartin e të rriturve i kemi trajtuar në vitin 2020, 5 raste prej tyre 2 kanë qenë me meningjit bakteror, pra shkaktar kanë qenë bakteret dhe tre pacientë kanë qenë me meningjit viral… Kurse tek fëmijët në vitin 2020 kemi pasur vetëm tri raste dhe ato një meningjit bakteror dhe dy meningjite virale”, njoftoi Vishaj.
Infektologu Vishaj deklaroi se aktualisht në klinik janë duke u trajtuar pesë pacientë dhe gjendja e tyre është e stabile.
Ai ka treguar se në vitin 2019 me sëmundjen e meningjitit kanë qenë të prekur 128 persona, prej tyre 40 pacientë kanë qenë të rritur kurse fëmijët kanë qenë ata më të atakuar me këtë sëmundje dhe numri i tyre përket shifrën 88.
“Ecuria e sëmundjes së meningjitit është e ndryshme dhe varion varësisht nga gjendja e organizmit, varësisht nga shkaktari që e shkakton meningjitin dhe nga koha kur vjen. Për fat të mirë këtë muajin e fundit nuk kemi pasur forma që kanë përfunduar letalisht… Aktualisht i kemi dy pacientë në repartin e të rriturve dhe tre pacientë i kemi duke u trajtuar në repartin pediatrik… Gjendja e tyre është përgjithësisht stabile, janë duke marrë terapinë sipas protokolleve të aprovuara dhe gjendja e tyre e përgjithshme është e mirë”, u shpreh infektologu i Infektives.
Mjeku i Klinikës Infektive derisa i ka treguar disa nga simptomat e kësaj sëmundje ka njoftuar se moshat më të prekura zakonisht janë fëmijët.
“Shenjat e para klinike janë zakonisht lodhja, është humbja e oreksit, vjellje, pastaj disa pacientë ndjejnë kokë dhimbje, dhe herë pas here kanë frikë nga drita. Të gjitha këto simptoma kur janë prezentë pacientët duhet të vijnë në Klinikën Infektive dhe ne më pastaj të procedojmë me procedura diagnostike…Meningjiti nuk njeh moshë ai mund të paraqitet që nga lindja prej neonatursit deri tek moshat e shtyra, mosha nuk është ndonjë parametër, por zakonisht format virale moshat fëmijërore janë më shumë të shpeshta, kurse tek format e rritshme forma bakteriale është më e shpeshtë”, tha ai.
Infektologu Arben Vishaj ka apeluar për shtim të kujdesit gjatë këtyre ditëve duke mos frekuentuar vende ku ka shumë njerëz pasi infeksioni i cipave trurore shpërndahet edhe përmes teshtitjes dhe kollitjes.
Meningjiti ka prekur edhe vendet e rajonit, madje në Shqipëri dhe Maqedoninë e Veriut ka pasur edhe viktima./KP/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë