Të vërtetat që çdo çift duhet t’i dijë për një lidhje të suksesshme

Gjithmonë jemi të interesuar t’i mësojmë sekretet dhe truqet që shpijnë në një lidhje të suksesshme.

Cilat janë gjërat që e bëjnë një çift të ndahet dhe cilat janë ato që e bëjnë një çift të ketë lidhje të suksesshme?

Një lidhje e suksesshme kërkon që dy personat të përkushtohen për të siguruar ambient stabil emocional, transmeton Telegrafi.

Shkencëtarët kanë përpiluar një listë me fakte shkencore të cilat i tregojnë sekretet e një lidhje të suksesshme.

Xhelozia është në gjene

Në mënyrë që ta hulumtojnë ndikimin e ADN-së në xhelozi, shkencëtarët i kanë studiuar përgjigjet e 3,000 palë binjakëve për shkak të ngjashmërisë në përbërjen e tyre gjenetike.

Rezultatet kanë treguar se 1/3 e tendencave të xhelozisë kanë origjinë gjenetike.

Nuk ka dyshim se 2/3 tjetër varet nga faktorët tjerë, por një pjesë pra është gjenetike.

Rëndësia e miqësisë

Hulumtuesit nga organizata “Gallup” kanë treguar se lidhja emocionale është shumë e rëndësishme për kënaqësinë martesore dhe mund të jetë përgjegjëse për 70% të lumturisë së çiftit.

Prandaj, nëse dëshironi ta mbani lidhjen të qëndrueshme, ju duhet t’i mendoni mënyrat që e rrisin kualitetin e miqësisë tuaj.

Besohet se një prej arsyeve të shpeshta se përse çiftet shkurorëzohen ka të bëjë me humbjen e afërsisë mes çiftit.

6 orë për një lidhje të lumtur

John Gottman, hulumtues martesor, pohon se e ka zbuluar dallimin mes lidhjeve të suksesshme dhe atyre që dështojnë.

Ai thotë se çiftet që vazhdojnë t’i përmirësojnë lidhjet e ndërsjellta provojnë t’i investojnë 6 orë ekstra në javë në dashurinë e tyre.

Humori

Sipas psikologëve, qeshja luan rol të rëndësishëm në lidhjet e suksesshme.

Çiftit që i pëlqen të shpenzojnë kohë së bashku ndihen shumë më të kënaqur me njëri-tjetrin.

Qeshja është një prej tri arsyeve kryesore të lidhjeve të lumtura. /Telegrafi/