Do të shëtiteni një ditë në Venedik – duhet të paguani për të hyrë në qytet

Për shkak të numrit të madh të turistëve, udhëtarët ditorë do të duhet të blejnë një biletë për të hyrë në Venedik nga viti i ardhshëm. Dispozita do të zbatohet nga 16 janari dhe është miratuar me qëllim të kontrollit të numrit të vizitorëve, veçanërisht gjatë sezonit.

Popullsia vendase ka kritikuar qytetin për një kohë të gjatë për shkak të turizmit masiv, i cili krijon një turmë të madhe rreth pamjeve më të njohura të qytetit dhe e bën të vështirë lëvizjen nëpër rrugët e ngushta.

Lexo po ashtu Përse fshati “më i bukur” italian, po i jep falas shtëpitë e veta?

Para pandemisë, nuk ishte e pazakontë që mbi njëqind mijë vizitorë të vizitonin qytetin çdo ditë.

Autoritetet e qytetit tani duan të merren me udhëtarët ditorë dhe vizitorët e anijeve turistike, të cilët, në pjesën më të madhe, nuk kontribuojnë shumë në ekonominë lokale, raporton cnn.

Banorët e provincës Veneto, njerëzit e lindur në Venecia dhe kushdo që ka rezervuar akomodimin në qytet nuk do të ketë nevojë të blejë një biletë.

Çmimi i biletave do të ndryshojnë deri në maksimum dhjetë euro për person dhe ata që rezervojnë më herët do të paguajnë çmim më të ulët.

Lexo po ashtu Fshati italian që nuk flet italisht

Vizitorët do të duhet të rezervojnë biletat online përpara se të mbërrijnë, ndërsa ata që hyjnë në qytet pa biletë do të paguajnë një gjobë nga pesëdhjetë deri në njëqind euro.

Nga muaji shtator, çmimet e biletave për muzetë e qytetit dhe autobusët e ujit, të ashtuquajturat vaporettes, do të rriten nëse nuk rezervoni online. Kjo lëvizje synon të mësojë vizitorët të planifikojnë udhëtimet e tyre përpara se biletat e vizitorëve të prezantohen në janar. /Telegrafi/