Të qeshur dhe sportivë, Princi William dhe Kate Middleton duken në harmoni me njëri-tjetrin gjatë vizitës në xhungël

Duka dhe Dukesha e Kembrixhit kanë vizituar sitin arkeologjik ikonik Mayan të Caracol thellë në xhunglën Belizian në ditën e tretë të turneut të tyre në Karaibe.

William dhe Kate filluan datën e tretë të udhëtimit të tyre duke mësuar rreth historisë së vendit, që ndodhet në pyllin Chiquibul, dhe vizituan strukturën më të lartë të krijuar nga njeriu – të njohur si ‘pallati qiellor’.

Caracol dikur ishte qendra e jetës në ultësirat e maleve Maya dhe besohet se ishte pushtuar qysh në vitin 1200 para Krishtit, ndërsa çifti vizitoi edhe Caanën sot, shkruan DailyMail.

Çifti mbretëror u ngjit në pallatin qiellor 3000-vjeçar, i cili është i fshehur thellë në xhungël në perëndim të Belizen, afër kufirit me Guatemalën dhe iu shfaqën skulpturat e lashta të fisit Maja nga eksperti arkeologjik Allan Moore.

Kate kishte veshur një bluzë të thjeshtë të bardhë dhe një palë pantallona të gjelbër. Ajo e kompletoi pamje e saj me një rrip të zi, atlete të bardha dhe një palë rrathë të thjeshtë floriri.

Udhëtimi, i kryer me urdhër të gjyshes së Princit William, Mbretëreshës Elizabeth II, synon të forcojë lidhjet e Mbretërisë së Bashkuar me vendet e Commonwealth ndërsa mbretëresha shënon 70 vjetorin në fron.

Kjo vjen një ditë pasi çifti vizitoi dje një fermë kultivuese të kakaos.

William dhe Kate filluan ditën e dytë të turneut të tyre duke shijuar dashurinë e tyre për muzikën dhe çokollatën teksa u shfaqën rreth fermës së kakaos në qytetin bregdetar të Hopkins.

Çifti mbretëror u trajtuan me një vallëzim të mirëseardhjes pasi u endën nëpër fshat – me Katen që dukej e lumtur teksa iu dhuruan një palë maraka druri.

Gjatë udhëtimit të tyre, Dukës dhe Dukeshës iu treguan se si fisi maja kultivojnë pemë kakao, përpunojnë fasulet e kakaos dhe bëjnë çokollatën.

Udhëzuesi në fermën e kakaos ofroi një shpjegim të detajuar mbi procesin se si kokrrat e kakaos nxirren nga bishtajat dhe më pas fermentohen dhe më në fund thahen përpara se të jenë gati për t’u bërë çokollatë.

Duke përdorur një shkop të madh, udhëzuesi u tregoi atyre se si ta thyenin me sukses podin në gjysmë duke thënë: “Kështu bëhet”.

Ndërsa çifti mbretëror po vizitonte vendin, Kate tha: “Ti e bën të duket kaq e lehtë” dhe Princi William bëri shaka duke thënë: “Nëse do ta bëja këtë, do të humbisja një gisht!”.

Sytë e çiftit u ndezën kur panë shatërvanë çokollate, duke zhytur patate të skuqura tortilla në lëngun e kafesë dhe ata provuan çokollatën e nxehtë të bërë nga produkte organike.

Me të shijuar këtë çokollatë, dukesha Kate tha: “Unë mendoj se fëmijët tanë do të jenë shumë xhelozë”. /Telegrafi/