The Sun: Zhduket e dashura e Vladimir Putin, ish-atletja Alina Kabaeva

Ish-atletja, e cila u përfol se ka pasur binjakë me Vladimir Putin, është zhdukur që një kohë nga syri i publikut.

Alina Kabaeva, një fituese e medaljes së artë olimpike 37-vjeçare, nuk është parë që nga viti 2018.

Në atë kohë, ajo u tha të ishte dy muaj shtatzënë me Presidentin dhe besohet se kishte lindur djem binjakë në prill të vitit të kaluar në një klinikë në Moskë.

Por, në Rusi tashmë janë shqetësuar për fatin e saj, pasi ajo është zhdukur që nga ajo kohë, sipas The Sun.

Alina është një nga gjimnastët më të dekoruara në historinë e gjimnastikës, me 2 medalje olimpike, 14 medalje të Kampionatit Botëror dhe 25 medalje të Kampionatit Evropian.

Pasi u tërhoq nga sporti, iu kthye politikës dhe u bë deputete në partinë e Putinit.

E njëjta gjithashtu një herë ka pozuar gjysmë e zhveshur në një revistë, është shfaqur në një film dhe ka provuar të bëhet këngëtare.

Romanca mes atletes dhe Presidentit rus u përfol për herë të parë në vitin 2008.

Ajo ishte e fejuar më parë me politikanin David Museliani në 2004 por ata u ndanë një vit më vonë.

Moskovsky Korrespondent raportoi në vitin 2008 se ajo dhe Putini ishin fejuar, por historia u mohua dhe gazeta u mbyll.

Alina po ashtu thuhet se ka pasur fëmijën e saj të parë në 2015, me Putin që pretendohet të jetë babai, gjë që gjithashtu është mohuar.

Putin më parë u martua me Lyudmila Shkrebneva në 1983 dhe kanë dy vajza së bashku, Mariya Putina dhe Yekaterina Putina. /Telegrafi/