Dy taekwondistët e rinj, Mal Sahiti dhe Sylejman Vizdiklar, kanë arritur sukses në Kampionatin Botëror për Junior, të mbajtur prej 2 deri më 7 gusht 2022 në Sofje të Bullgarisë.

Reklama

Sahiti dhe Vizdiklar, të dy bursistë të Komitetit Olimpik të Kosovës si “Shpresa Olimpike 2022”, fituan nga dy luftëra, për të përfunduar në vendet e nënta në botë.

Mali garoi në kategorinë deri në 68 kilogramë, ndërsa Sylejmani në -51 kg. Me pak fat, të dy kanë mundur të hyjnë në zonën e medaljeve.

Paraqitje të mirë patën edhe garuesit tjerë, Denis Bllaca (-55 kg) dhe Elion Agushi (-68 kg), të cilët shënuan nga një fitore, ndërsa Jon Gashi (-73 kg) u ndal në raundin e dytë. Gashi është po ashtu bursist i KOK-ut.

Reklama
Reklama

“KOK përgëzon taekwondistët e rinj dhe iu uron fat dhe suksese edhe në garat e ardhshme ndërkombëtare”, thuhet në njoftimin e Komiteti Olimpik i Kosovës.