0Shares

Real Madrid nuk do të duhet të paguajë dy milionë euro të klauzolës së Julen Lopeteguit.

Ky i fundit kishte arritur marrëveshje gjatë ditës së djeshme me madrilenët, e cila gjë shkaktoi edhe shkarkimin prej kombëtares spanjolle, një ditë para se të startojë botërori në Rusi.

Julen Lupotegui dhe Fernando Hierro (Getty Images)

Federata Spanjolle e Futbollit njoftoi dje se Los Blancos do të duhet të paguanin klauzolën e trajnerit, e cila arrin në dy milionë euro, por ky vendim i Rubiales ka ndryshuar situatën.

“Ne kemi ardhur nga një situatë ekonomike që nuk ka nevojë të them se çfarë duhet të bëjmë. Paraja nuk ka qenë kurrë një çështje, por ne kemi vepruar me ndërgjegje dhe me gjithë përgjegjësinë”, tha Rubiales.

Perezi e urdhëron Lopeteguin t'i largojë pesë yje prej Realit Perezi e urdhëron Lopeteguin t'i largojë pesë yje prej Realit

Lopetegui do të udhëtojë në orët e ardhshme për në Spanjë, ku pritet të paraqitet para mediave për të shpjeguar arsyen e vërtetë të largimit prej Spanjës.

Tashmë kombëtarja spanjolle në shtetin rus do të udhëhiqet prej legjendës së futbollit, Fernando Hierros.

Theksojmë se ky i fundit ishte drejtor sportiv i “Furisë së Kuqe” ndërsa ndeshjen e parë do ta zhvillojnë të premten (15 qershor) kundër Portugalisë. /Telegrafi/

Të Ngjajshme
Shfaq Komentet (0)