LAJMI I FUNDIT:

Sondazh: “Kush është më i miri?”, përgjigjet e nëntë lojtarëve që kanë luajtur me Ronaldon dhe Messin

Sondazh: “Kush është më i miri?”, përgjigjet e nëntë lojtarëve që kanë luajtur me Ronaldon dhe Messin
Cristiano Ronaldo dhe Lionel Messi para ndeshjes më 23 dhejtor 2017 (Foto: Getty Images)

Asnjë debat në futboll nuk është më i madh se ai: Kush është më i mirë, Cristiano Ronaldo apo Lionel Messi?.

Karriera e të dyve është e ndërtuar me suksese të mëdha si në aspektin individual dhe atë ekipor, kjo vetëm sa e bën më të vështirë debatin mes tifozëve.

Sekreti i golave të Messit nga gjuajta e lirë, është një këshillë e Maradonas në vitin 2009
Lexo po ashtu Sekreti i golave të Messit nga gjuajta e lirë, është një këshillë e Maradonas në vitin 2009

Ata që janë pro Ronaldos thonë se ai është një rezultat i punës së madhe, kurse ata të Messit se talenti i tij i lindur e bënë diferencën.

“Kush është më i miri?”: Që tifozët të kenë një arsye shtesë, atëherë kemi sjellë për ju përgjigjet e lojtarëve që kanë luajtur me Messin e Ronaldon:

ANGEL DI MARIA

Vendimi: Lionel Messi

23 mars 2014: Lionel Messi duke festuar golin ndaj Realit në Bernabeu (Foto: Getty Images)

Di Maria ka luajtur me Ronaldon për katër vite te Real Madridi, ndërsa me Messin te Përfaqësuesja e Argjentinës. Por, kur është pyetur nga mediat se kush është më i miri, mesfushori që aktualisht është pjesë e PSG-së ka zgjedhur bashkëvendësin.

“Messi gjithmonë është më i miri, ai çdo vit është më i miri. Cristiano Ronaldo është një lojtar special, por Messi është nga një planet tjetër. Nuk ka fjalë për ta përshkruar Messin, ai gjithmonë arrin të befasojë”, ka thënë Di Maria për Daily Mail.

CARLOS TEVEZ

Vendimi: Lionel Messi

27 qershor 2010: Carlos Tevez duke festuar golin ndaj Meksikës së bashku me Lionel Messin (Foto: Getty Images)

Tevez me Ronaldon ka luajtur te Manchester Unitedi, ndërsa me Messin të Përfaqësuesja e Argjentinës. Zgjedhja e tij është ylli i Barcelonës, por Tevez nuk harron të flas për faktin se CR7 është një futbollist i ndërtuar në palestër me punë të madhe, kurse Messi talent i lindur.

“Cristiano duhet të punonte me vetën për të qenë më i miri, ndërsa te Leo erdhi natyrshëm. Këto janë dallimet më të mëdha që shoh të dy lojtarët më të mirë në planet. Për Messin është normale të shënojë tre gola, ai është tjetër nivel”.

ANDRE GOMES

Vendimi: Ronaldo dhe Messi

7 tetor 2016: Cristiano Ronaldo duke festuar së bashku me Andre Gomes golin ndaj Andorrës (Foto: Getty Images)

Gomes mund të jap një përgjigje më të qartë vetëm në vitet e ardhshme, por jo në këtë pikë të karrierës. Ylli portugez i Barcelonës e ka të vështirë të krijojë ndasi, pasi çdo fjalë e tij do lëndonte një anë të karrierës që aktualisht po e zhvillon.

“Nuk dua të krahasojë ata për shkak të respektit. Kurrë nuk do t’i përgjigjem kësaj pyetje. Jam portugez dhe kam simpati për Ronaldon, ashtu edhe për Messin, që është bashkëlojtari im te Barcelona”.

GERARD PIQUE

Vendimi: Lionel Messi

19 mars 2008: Festa e Cristiano Ronaldos me Louis Saha dhe Gerard Pique pas golin ndaj Boltonit (Foto: Getty Images)

Edhe pse Pique ka kaluar me Ronaldon katër vite te Manchester Unitedi, spanjolli nuk dyshime që Messi është më i miri.

“Për mua Messi nuk është njeri, Cristiano është më i miri në mesin e njerëzve”.

EZEQUIEL GARAY

Vendimi: Lionel Messi

10 prill 2010: Garay duke shikuar momentin teksa Messi shënonte në portën e Real Madridit në Santiago Bernabeu (Foto: Getty Images)

Garay kaloi dy vite me Ronaldon te Real Madridi, por si argjentinas kjo nuk e bëri që mendimi i tij për Messin të ndryshohet.

“Kur njerëzit më pyesin se kush është më i miri, unë them Leo. Që nga dita e parë kur e pash te Përfaqësuesja e Argjentinës nën-15 vjeç, e deri sot, ai vazhdon të më befasoj. Ai nuk ka limite”.

HENRIK LARSSON

Vendimi: Lionel Messi

10 maj 2006: Larsson së bashku me Samuel Eto’o, Ronaldinhon dhe Decon gjatë stërvitjes (Foto: Getty Images)

Suedezi edhe pse jo për shumë gjatë, kishte fatin të luante me Ronaldon te Unitedi dhe Messin te Barcelona, por mjaftueshëm për të vendosur se kush është më i miri.

“Cristiano është i pafat që luan në një kohë me Messin. Ronaldo është lojtar shumë i mirë, por Messi është edhe më i mirë. Ai sikur nuk është nga kjo botë, aq i mirë është sa që gati është i pabesueshëm. Kur e shikon atë me top në këmbë është vështirë ta besosh se dikush mund të bëjë të njëjtën. Është një lojtar fantastik për ta parë”.

GABRIEL HEINZE

Vendimi: Ronaldo dhe Messi

13 maj 2007: Gabriel Heinze, Cristiano Ronaldo dhe John O’Shea duke festuar titullin e Ligës Premier në fund të ndeshjes ndaj West Hamit në Old Trafford (Foto: Getty Images)

Një tjetër lojtar që e ka të vështirë të vendos, apo së paku ta thotë publikisht. Ish-ylli i Man Utd dhe Real Madridit, si një argjentinas ka vetëm fjalë të mira për dyshen.

“Cristiano Ronaldo ka një vetdisiplinë për t’u lakmuar. Ai është i fiksuar, për derisa sa nuk e arrin qëllimin, ai nuk ndalët së provuari. Leo është i pashpjegueshëm. Në aspektin e futbollit, ai nuk vjen nga ky planet. Si person, është për t’u admiruar për jetën e qetë”.

FERNANDO GAGO

Vendimi: Lionel Messi

11 shkurt 2009: Lionel Messi dhe Gago pas fitores 2-0 në miqësoren ndaj Francës (Foto: Getty Images)

Gago luajti së bashku me Ronaldon për një sezon e gjysmë te Reali, me Messin për disa vite te Argjentina, por ai është i qartë në mendimin që ka për dyshen.

“Për mua Ronaldo nuk është numri një. Për mua, numri një në botë është Messi, mënyra se si lëviz me topin ai arrin të ndryshojë rrjedhën e ndeshjes. Messi ka aftësi të jashtëzakonshme dhe e dua mënyrën se si ai luan”.

DECO

Vendimi: Ronaldinho

18 shkurt 2006: Deco duke festuar golin e Messin ndaj Betisit në La Liga (Foto: Getty Images)

Një nga më të mirët në histori te Barcelona, ashtu si te Përfaqësuesja e Portugalisë, Deco, ka një përgjigje ndryshe nga të gjithë. Si më të mirin në histori të futbollit, ai e vendos Ronaldinhon.

“Cristiano ishte i ri dhe atletik, shumë konkurrues. Messi ka punuar shumë të bëjë atë që tani po bënë tani te Barcelona. Ronaldinho ishte natyral dhe me aftësi speciale. Çdoherë që ia pasonim topin, lëvizjet dhe golat ishin sikur nga një botë tjetër. Ai ishte shumë më i talentuar se Leo apo Cristiano.”

Pasi lexuat gjithë mendimet e lojtarëve që kanë luajtur me Messin dhe Ronaldon, kush mendoni së është më i miri në histori të futbollit? VOTONI në sondazhin e përgatitur nga ne. /Telegrafi/

Në trend Sport

Më shumë
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Barcelona ka dy javë kohë për të zgjedhur numrin 10 – në klub kanë tri opsione

Barcelona ka dy javë kohë për të zgjedhur numrin 10 – në klub kanë tri opsione

La Liga
Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Ligue 1
“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

Ligat tjera

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Kalo në kategori