Me simbolin e shqiponjës që e kishte bërë në finalen e Botërorit në Rusi, Era e uron Kosovën për Ditën e Pavarësisë

Era Istrefi është një tjetër artiste nga Kosova me famë ndërkombëtare, e cila e lindur dhe e rritur në Prishtinë, arriti që me artin e saj të tejkalonte kufijtë shqiptarë.

Në Kampionatin Botëror të vitit 2018, ajo u bë këngëtarja e parë shqiptare që këndoi himnin e evenimentit më të madh në botën e futbollit.

Në bashkëpunim me Nicky Jam dhe Will Smith, ajo interpretoi këngën ” Live It Up”, e cila u bë hit i madh botëror.

Ndërsa e gjithë kjo kulmoi me performancën e 24-vjeçares në Luzhniki Stadium në Rusi, në ceremoninë përmbyllëse të Kampionatit Botëror, ku edhe u zhvillua finalja e madhe.

Lexo po ashtu Urimet e yjeve për 11-vjetorin e Pavarësisë së Kosovës

Derisa i bëri krenarë të gjithë shqiptarët me interpretimin e saj në skenën e madhe krahas dy yjeve të famshme, Era u kujdes që më pas në stadiumin Luzhniki ta bënte simbolin e shqiponjës me duar.

View this post on Instagram

Happy independence day Kosovo💙💛 #11

A post shared by Era Istrefi (@eraistrefi) on Feb 17, 2019 at 6:02am PST

Dhe pikërisht atë fotografi, këngëtarja e popullarizuar e ka shfrytëzuar për ta shoqëruar urimin e saj për 11-vjetorin e Pavarësisë së Kosovës.

“Urime Dita e Pavarësisë Kosovë”, ka shkruar Era duke e uruar vendin e saj për 11-vjetorin e shpalljes shtet.

Në një intervistë për Telegrafin, Era kishte thënë se Kampionati Botëror dhe përzgjedhja nga aq shumë artistë konkurrentë për ta kënduar himnin e këtij evenimenti, ishte përvoja më e mirë e vitit 2018 që e kishte bërë shumë krenare dhe të lumtur. /Telegrafi/