Floyd Mayweather i janë dashur vetëm 140 sekonda të fitojë kundër kikboksierit japonez, Tenshin Nasukawa, ku me këtë rasti arkëtoi nëntë milionë dollarë (7.86 milionë euro).

Amerikani rrëzoi tri herë kundërshtarin në ngjarjen e mbajtur në Tokyo dhe pasi skuadra e Nasukawas u dorëzua duke gjuajtur në ring peshqirin e bardhë, 20-vjeçari nuk mbajti lotët.

Japonezi duke qarë në këndin e tij

“E gjitha ishte për argëtim, u zbavitëm shumë”, ka thënë Mayweather, i cili fitoi ndaj Conor McGregorit në gushtin e 2017 në një meç boksi të vërtetë.

Kjo ndeshje nuk ishte në seriozitetin dhe nivelin e atyre që jemi mësuar ta shikojmë në boks dhe nuk mund të llogaritet zyrtare.

Ajo ishte pa gjyqtarë, rezultati përfundimtar nuk do të ndikonte në rekordin e Mayweatherit në boks, i cili mbetet 50-0. Fituesi do të përcaktohej me nokaut apo nokaut teknik.

Për Mayweather kjo ishte një aventurë e re pasi ishte hera e parë që ai zhvillonte një meç jashtë Shteteve të Bashkuara të Amerikës.

Por, duket se ishte një punë e lehtë për të rritur pasurinë dhe popullaritetin e tij,në fund i doli ashtu siç e kishte planifikuar. Pak, punë dhe shumë përfitime. /Telegrafi/