Pas topit që do të rrokulliset sonte në stadiumin Wanda Metropolitana do të vrapojnë 22 futbollistë.

Sevilla dhe Barcelona do të takohen sonte në kuadër të finales së Copa del Rey.

Përveç futbollistëve me kombësi spanjolle, Franca dhe Argjentina e kanë numrin e njëjtë të finalistëve – secila nga shtatë.

Barcelona (Getty Images)

Në këtë takim do të mund të paraqiten shtatë francezë, ku tre janë në radhët e katalunasve – Samuel Umtiti, Ousmane Dembele dhe Lucas Digne ndërsa katër në radhët e skuadrës andaluziane – Sebastien Corchia, Clement Lenglet, Steven N’Zonzi dhe Wissam Ben Yedder (Sevilla).

Çuditërisht, Lenglet është një nga qendër mbrojtësit që Barca kërkon ta transferojë në rast se nuk arrin një marrëveshje për rinovimin e kontratës me Samuel Umtitin.

Sevilla (Getty Images)

Nëse flasim për argjentinasit, atëherë Sevilla ka më së shumti lojtar në ekip. Nico Pareja, Mercado, Banega, Correa, Pizarro dhe Franco Vazquez kanë dhënë kontribut në këtë sukses të klubit të drejtuar nga Vincenzo Montella.

Barcelona në gjirin e vetë e ka vetëm një argjentinas, por i cili konsiderohet si një ndër më të mirët në botë – Lionel Messi.

Theksojmë se takimi mes këtyre dyja ekipeve do të startojë rreth orës 21:30 në stadiumin e Atletico Madridit. /Telegrafi/