LAJMI I FUNDIT:

“Sha je be tu folën” ngërthen publikun para televizionit gjatë fundjavave – aktorët rrëfejnë suksesin e serialit humoristik

Foto: Ridvan Slivova. Foto-kolazh: Endrit Dallaveraj/Telegrafi

“Sha je be tu folën” është seriali i cili tashmë prej kohësh ka zbukuruar fundjavat e shumë shqiptarëve me skeçet humoristike.

Situata nga më të ndryshme, të cilat herë pas here me ironi pasqyrojnë realitetin e vendit apo edhe mentalitetin shqiptar, bëjnë që seriali në fjalë të jetë edhe më argëtues për popullatën.


Megjithëse e përmbledhur në rreth 35 minuta për një episod javor, prapa xhirimeve të këtij seriali qëndron një ekip i madh i cili punon me përkushtim që gjithçka të dalë sa më bukur para publikut.

Xhirimet e serialit “Sha je be tu folën” (Foto: Ridvan Slivova/Telegrafi)

Telegrafi vizitoi kastin e aktorëve dhe të produksionit në një nga ditët e xhirimeve, ku nuk hezituan të prononcohen duke treguar se si po shkon gjithçka.

Producenti dhe aktori Ridvan Murati, tha se është i kënaqur me ecurinë e “Sha je be tu folën” deri më tash, ndërsa thekson punën e madhe që bëhet për të arritur këtë rezultat.

“Xhirimet janë duke shkuar deri tash jashtëzakonisht mirë, normal është një ekip shumë i madh, një punë shumë e madhe. Jemi një ekip prej 30 personash, secili profesionist në punën e tyre. Të koordinosh gjithë punë dhe të kesh ekip prej shumë shteteve të ndryshme duke qenë të saktë është bajagi e vështirë, por deri tash jemi shumë të kënaqur”, tha Murati për Telegrafin.

Ridvan Murati në intervistën për Telegrafin (Foto: Ridvan Slivova/Telegrafi)

Aktorja Adriana Matoshi, e cila përkundër angazhimeve në politikë si deputete e Kuvendit të Kosovës, prapëseprapë e gjen veten te profesioni i saj bazë – aktrimi.

Ajo tha për Telegrafin se përkundër lodhjes dhe sakrifikimit të shtatë ditëve të javës në punë, ndjehet e kënaqur që ka mundësinë të argëtojë publikun e saj.

“Është një punë intensive që ne e bëjmë për çdo javë dhe xhirimet shkojnë kryesisht shumë mirë. Por ne tash si individë që kemi edhe punë të tjera gjatë javës, është pak e rëndë që të mos e kesh të lirë as vikendin sepse ne çdo vikend. Por jam shumë e lumtur që jam pjesë e këtij seriali me një ekip të jashtëzakonshme. Është punë intensive, por shumë e kënaqshme dhe mundohemi të paktën një fundjavë t’i bëjmë njerëzit për të qeshur”, tha Adriana Matoshi për Telegrafin.

Adriana Matoshi në intervistën për Telegrafin (Foto: Ridvan Slivova/Telegrafi)

Edhe producenti tjetër i “Sha je be tu folën”, Ernes Zymberi potencoi se deri më tani seriali ka pasur sukses, duke u bazuar në faktin se kanë bërë një punë të shkëlqyer në aspektin e realizimit teknik dhe organizativ.

“Po, mirë po mendoj me një ritëm shumë të mirë dhe normal me një punë shumë të madhe me një ekip shumë të madhe. Po besoj që po tentojmë të sjellim kualitet në çdo aspekt: teknik, organizativ dhe realizues dhe sa i përket skenarit, aktorëve jemi të kënaqur. E di që gjithmonë mundet më mirë, por besoj jemi në një nivel shumë të kënaqshëm”, tha Zymberi.

Ernest Zymberi në xhirimet e serialit “Sha je be tu folën” (Foto: Ridvan Slivova/Telegrafi)

“Sha je be tu folën” herë pas here rikthen në episode aktorë që për një kohë të gjatë i kanë munguar skenës – e ky është rasti i Emine Toskës.

Aktorja nga Gjilani u shpreh për Telegrafin se i është bashkuar kastit të serialit për një episod, ndërsa ende nuk ka një konfirmim më saktë se deri kur do të vazhdojë.

“Është dita e parë që u inkuadrova këtu, xhirimet shkuan mirë edhe presim se si do të shkojnë ditët tjera në vijim”, tha Emine Toska për Telegrafin.

Emine Toska në xhirimet e serialit “Sha je be tu folën” (Foto: Ridvan Slivova/Telegrafi)

Regjisori i “Sha je be tu folën”, Valter Lucaj, tha se ajo çfarë ndikon në sjelljen e një rezultati të mirë të serialit është energjia ekipore që ata e kanë.

“Mirë, kjo është java e tetë/nëntë, por energjia është shumë e mirë. Aktorët i kemi fenomenalë. Janë disa skena të lodhshme gjatë ditës që i përfundojmë, por energjia është shumë e mirë”, tregon regjisori.

Xhirimet e serialit “Sha je be tu folën” (Foto: Ridvan Slivova/Telegrafi)

Ndërkohë, skenaristi Milot Hoxha po ashtu është pjesë e përhershme e xhirimeve, duke qenë në gjendje gatishmërie për ndonjë ndryshim eventual në skenarin e serialit.

“Unë më shumë vij këtu për t’iu dhënë një dorë më shumë për të intervenuar nëse ka nevojë diçka. Këtë javë e kemi pasur pak më të vështirë, energjia me rëndësi është e mirë mes ekipit, kështu që nuk ka pasur problem deri tash”, tha Hoxha.

Milot Hoxha – skenarist dhe Valter Lucaj – regjisor në “Sha je be tu folën” (Foto: Ridvan Slivova/Telegrafi)

Seriali “Sha je be tu folën” vazhdon të transmetohet çdo të diel në ora 21:00 në RTV Dukagjini. /Telegrafi/

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Xhirimet e serialit “Sha je be tu folën” (Foto: Ridvan Slivova/Telegrafi)

Në trend Magazina

Më shumë
Rike Roçi largohet përfundimisht nga shtëpia e Big Brother VIP Albania 3

Rike Roçi largohet përfundimisht nga shtëpia e Big Brother VIP Albania 3

Magazina
Legjenda e Bilbaos i bën dhuratë ish-futbollistit Lumbardh Salihu, në Mallorca të Spanjës

Legjenda e Bilbaos i bën dhuratë ish-futbollistit Lumbardh Salihu, në Mallorca të Spanjës

Magazina

"Më shumë nuk ka vend" - Xhensila Myrtezaj dërgon mesazh për Bes Kallakun në fotografinë me dy fëmijët e saj

Magazina

"Gabim, stop, stop, stop", një kanaçe u hodh drejt Alketa Vejsiut gjatë X Factorit - reagimi i saj ishte i menjëhershëm

Magazina
Roberto Cavalli la pas gruan e tij 45 vjet më të re, modelen suedeze të cilës ia bleu një ishull privat

Roberto Cavalli la pas gruan e tij 45 vjet më të re, modelen suedeze të cilës ia bleu një ishull privat

Magazina
“Nuk mbaj mend të ketë qenë ndonjë kërcimtar i rreshtit të parë”, Iliri Shaqiri nuk kursehet për Albi Nakon

“Nuk mbaj mend të ketë qenë ndonjë kërcimtar i rreshtit të parë”, Iliri Shaqiri nuk kursehet për Albi Nakon

Magazina
Kalo në kategori