Sevilla konfirmohet si ‘mbret’ i Ligës së Evropës, triumfon me rikthim në finale ndaj Interit

Sevilla është fituese e edicionit 2019/2020 në garën e dytë më të madhe evropiane për klube, Ligën e Evropës.

Skuadra spanjolle ka arritur të fitojë me përmbysje në finale ndaj Interit me rezultat 3-2, në një ndeshje jashtëzakonisht interesante.

Finalja e madhe e Ligës së Evropës nisi me një penallti, kur Romelu Lukaku në minutën e tretë u pengua në zonë nga Diego Carlos.

Sulmuesi belg ishte i saktë nga pika e bardhë duke kaluar Interin në epërsi.

Por gëzimi i zikaltërve nuk zgjati më shumë se shtatë minuta dhe Luuk de Jong me një gol të bukur me kokë barazoi gjithçka në 1-1.

Holandezi de Jong gjeti golin e dytë personal në këtë finale kur shënoi në minutën e 33-të pas asistimit të Banegas për epërsinë e Sevillës 2-1.

Inter u kundërpërgjigj shpejtë dhe vetëm tre minuta më vonë barazuan me mbrojtësin uruguaian Diego Godin.

Me rezultatin e barabartë 2-2 përfunduan 45 minutat e para të kësaj ndeshje finale.

Edhe pjesa e dytë ishte spektakolare, edhe pse nuk pati gola të shumtë si në 45 minutat e para.

Dy skuadrat krijuan shumë raste, por u desh të pritej minuta e 74-të për ta parë golin e parë në pjesën e dytë.

Ishte qendërmbrojtësi Diego Carlos që shënoi një gol spektakolar me gërshërë i ndihmuar edhe nga devijimi i Lukakut për epërsinë e Sevillës 3-2.

Deri në fund të ndeshjes, Inter tentoi me të gjitha forcat të barazoj rezultatin, por një gjëje të tillë nuk ia arritën.

Kësisoj Sevilla e fitoi edhe njëherë garën e dytë më të madhe për klube në Evropë.

Për klubin spanjoll kjo është hera e gjashtë që e fiton Ligën e Evropës, pasi më parë këtë gjë e kishin arritur edhe në edicionet 2005/2006, 2006/2007, 2013/2014, 2014/2015 dhe 2015/2016. /Telegrafi/

GOAL – de Jong scores vs Inter Milan. 1-1 pic.twitter.com/iITCrv1Ko2

— OnlyFootballClips (@OnlyFootballCl1) August 21, 2020

GOAL ! L de Jong scores again vs Inter Milan. 2-1 pic.twitter.com/CAl7J0CROB

— OnlyFootballClips (@OnlyFootballCl1) August 21, 2020

GOAL ! Godin scores vs Sevilla. 2-2 pic.twitter.com/HKxISpOcu1

— OnlyFootballClips (@OnlyFootballCl1) August 21, 2020

GOAL – Diego Carlos scores vs Inter Milan. (Bicycle kick Goal) pic.twitter.com/Wc5ZFMJJl4

— OnlyFootballClips (@OnlyFootballCl1) August 21, 2020