Mediat serbe shkruajnë se Ministria e sportit e Serbisë dhe strukturat e tjera të saj, janë duke u mobilizuar për të bllokuar anëtarësimet e reja të Federatave sportive të shtetit të Kosovës në ato evropiane e botërore.
“Shteti i Serbisë seriozisht merret me çështjen e pranimit të organizatave kosovare të sportit në radhët organizatave evropiane e botërore të sportit”, shkruan “Kurir”.
“Ministria e sportit dhe rinisë me kujdes përcjell situatën dhe do të reagojë në përputhje me politikën shtetërore”, thuhet nga Ministria e sportit e Serbisë për gazetën, “Kurir”.
“Do të kujdesemi për interesin e sportistëve dhe interesin tonë nacional. Federata e hendbollit e Serbisë bëri çmos që ishte në fuqinë e saj. Për hapat tonë të mëtutjeshëm opinioni do të informohet”, raporton gazeta beogradase. /Telegrafi/
