Selimi: Themelimi i Gjykatës Speciale, gabim i Qeverisë dhe i Kuvendit të Kosovës

Deputeti i Kuvendit të Kosovës nga Lëvizja Vetëvendosje, Rexhep Selimi ka vlerësuar se themelimi i Gjykatës Speciale kundër UÇK-së, ishte një gabim i madh i Qeverisë dhe i Kuvendit të Kosovës në gusht të vitit 2015.

“Nga ky vendim i padrejtë do të pësojnë luftëtarët e lirisë së Kosovës por mbi të gjitha do të pësojë Kosova dhe imazhi i shqiptarëve në botë”, shkruan Selimi në Facebook.

Postimi i plotë Selimit:

“Themelimi i Gjykatës Speciale kundër UÇK-së ishte një gabim i madh i Qeverisë dhe i Kuvendit të Kosovës në Gusht të vitit 2015.

Nga ky vendim i padrejtë do të pesojnë luftëtarët e Lirisë së Kosovës por mbi të gjitha do të pesojë Kosova dhe imazhi i shqiptarëve në botë.

Në këtë gjykatë, për të deshmuar si të dyshuar u ftuan shume luftëtarë, ushtarë e komandantë të nivelit të lartë në hierarkinë e UÇK-së.  Sëfundmi, rreshtit të shumë të ftuarve për t’u intervistuar iu shtuan edhe tre udheheqës të UÇK-se si: Komandanti i Zonës Opeative të Dukagjinit – Kryeministri në dorëheqje Ramush Haradinaj, Shefi i Shtabit të Përgjithshëm Bislim Zyrapi si dhe Zëdhënësi dhe ZV/Komandanti i SHP te UÇK-së Jakup Krasniqi.

Ashtu sikur për secilin luftëtar të UÇK-së, pavarësisht nivelit dhe detyrave në luftë, thirrja si i dyshuar për krime lufte është padrejtësi paraprakisht.  Ne, që e kundershtuam me argumente të pamohueshme themelimin e kësaj gjykate atëherë, patem paralajmëruar për efektet e saj dhe për këtë na vjen keq edhe tash që nuk na demantoi koha.  Por nuk mund të mos i bejmë përgjegjës edhe njëherë ata që e sollen në Kuvend dhe sidomos ata deputetë ish luftetarë të UÇK-së që e votuan këtë Gkykatë, aq më tepër, kur tash disa nga ata i shohim t’ju “vije keq” për të ftuarit e kësaj gjykate si te dyshuar.

Ne, që ishim kundër kësaj gjykate me 2015-ten e kemi të njëjtin qëndrim edhe tani.  Prandaj, në atë gjykatë nuk duam ta shohim asnjë luftetar të Lirisë.  Ky nuk është qëndrim i yni kundër drejtësisë, por pikërisht kundër padrejtësisë.

Drejtësia ka mjaftë punë të tjera për të zgjidhur në Kosovë!”, ka shkruar Selimi. /Telegrafi/