Kryeministri Albin Kurti dhe kryetari i Odës Ekonomike të Kosovës Berat Rukiqi, diskutuan sot gjatë një takimi lidhur me bashkëpunimin ndërinstitucional dhe fuqizimin e dialogut publiko-privat në funksion të fuqizimit të sektorit privat.

Rukiqi me këtë rast prezantoi prioritetet e OEK-ut dhe kërkesat specifike të anëtarëve për tema të ndryshme si sundimi i ligjit, eksporti, investimet, prodhimet vendore, informaliteti, edukimi dhe punësimi, politikat fiskale, prokurimi publik, marrëdhëniet tregtare rajonale dhe digjitalizimi.

Kryeministri Kurti theksoi rëndësinë e vazhdimit të bashkëpunimit me OEK-un, në avancimin e agjendës zhvillimore të vendit.