Rriten të ardhurat doganore të Maqedonisë

Drejtoria e Doganave të RM-së për 2016 ka paguar për 9.68% më shumë të ardhura në krahasim me vitin e kaluar. Të ardhurat e mbledhura nga fillimi i vitit deri më sot, siç informon Dogana, arrinë 5.255 milion denarë që është për 4.98% më shumë krahasuar me të ardhurat e planfikuara për vitin 2016, përcjell Telegrafi Maqedoni.

Prej atje theksojnë se të ardhurat janë rritur në kushte të kontrolleve të zvogëluara dhe lëvizjes së lehtësuar.

‘Me avancimin e sistemit për kontrolle selektive, gjegjësisht me orientimin e tyre të drejtë, në periudhën paraprake kontrollet doganore u ulën, ndërsa kanali i gjelbër (kalimin e lehtë të mallrave) u ndaj prej 35% të 75%. Intensiteti i zvogëluar të kryerjes së kontrolleve mundëson përshpejtimin e procedurës doganore për operatorët ekonomikë të cilët i respektojnë dispozitat doganore dhe të tjerat lidhur me eksportin dhe importin e mallrave dhe rritjen e efikasitetit dhe efektivitetin në punën doganore gjatë kryerjes së kontrolleve, pa e ulur efektivitetin, efikasitetin dhe rezultatet gjatë kryerjes së kontrolleve’, theksojnë nga DD. /Telegrafi/