Rooney: Southgate duhet të vendosë në stol Harry Kane kundër Uellsit

Wayne Rooney beson se Harry Kane duhet të vendoset në stol nga Gareth Southgate kundër Uellsit për t’u rikuperuar nga dëmtimi i kyçit të këmbës të marrë kundër Iranit.

Rooney mendon se Kane duhet të ishte zëvendësuar herët në ndeshjen e parë të Anglisë për të mbrojtur lojtarin e Spurs, me rezultatin praktikisht të garantuar në pjesën e parë.

Ish-ylli i Tre Luanëve argumentoi se Kane dukej se ishte në një shqetësim serioz në barazimin e tyre me ShBA-të dhe se Southgate duhet të shfrytëzojë çdo mundësi për të mbrojtur kapitenin e tij.

“Ndryshimi tjetër i madh që do të bëja për ndeshjen e Uellsit do të ishte të pushoja Harry Kane”, ka shkruar fillimisht Rooney në rubrikën e tij në Times.

“Kundër SHBA-së, ai dukej sikur mund të kishte vuajtur pasojat e një goditjeje të rëndë që mori në ndeshjen me Iranit. Ishte nga një ndërhyrje në pjesën e dytë dhe në atë ndeshje ndjeva se Gareth duhet të kishte menduar ta largonte atë në pjesën e parë”.

“Anglia po kryesonte 3-0, ndeshja tashmë ishte fituar dhe Harry është lojtari ynë më i rëndësishëm. Kur ka mundësi për ta mbrojtur atë dhe për ta ndihmuar të qëndrojë në formë, unë besoj se Gareth duhet t’i bëjë ato – dhe kjo është arsyeja pse unë do ta mbaja Harryn në bankinë kundër Uellsit”, përfundoi anglezi.

Kundër ShBA-së, Kane ishte një hije e lojtarit që ka shënuar 13 gola në 22 ndeshje deri më tani për Tottenham këtë sezon, duke qenë pjesë e treshes së parë të Anglisë që nuk shqetësoi kurrë mbrojtjen amerikane.

Rezultati i së premtes mbrëma e lë skuadrën e Southgate në situatë që duhet të shmangë humbjen kundër Uellsit të martën, të cilët po luftojnë në Kupën e Botës pas një disfate dërrmuese nga Irani. /Telegrafi/