Ronaldo thotë se do ta mbajë premtimin që ia ka dhënë Al Nassrit

Cristiano Ronaldo është i përkushtuar të ndihmojë edhe futbollin e femrave, ndërsa ai kërkon të promovojë edhe më tej lojën në Arabinë Saudite.

Pesë herë fituesi i Topit të Artë iu bashkua Al-Nassrit në janar në një lëvizje që befasoi shumë njerëz. Futbolli evropian mbetet kulmi në nivel klubesh, por portugezi, i cili u largua nga Manchester United në rrethana të vështira, zgjodhi të transferohej në Lindjen e Mesme.

Një nga motivet e tij ishte dëshira për të promovuar lojën – duke pretenduar se kishte arritur gjithçka në Evropë gjatë periudhave të tij në Mançester, Madrid dhe Torino.

Lexo po ashtu Cristiano Ronaldo “nuk e duroi dot” orarin e stërvitjeve të Karim Benzemas në Real Madrid

Al-Nassr është jashtëzakonisht konkurrues brenda vendit, aktualisht në krye të tabelës, ndërsa tre ekipe luftojnë për titullin. Skuadra e tyre e femrave është po aq e suksesshme dhe së fundmi ka fituar një trofe në ligë me Ronaldon duke i uruar ato në Instagramin e tij.

Ai postoi një imazh të tyre duke festuar krahas mbishkrimit: “Urime për ekipin e grave @alnassr_fc për triumfin e tyre të parë në ligë. Një arritje kaq fantastike”.

Lexo po ashtu Vazhdon rënia e Cristiano Ronaldos në listën e transferimeve më të shtrenjta në histori të futbollit

Ronaldo, me t’u bashkuar me Al-Nassr, deklaroi se donte të promovonte futbolli në Arabinë Saudite – i cili varionte nga loja aktuale e meshkujve deri te yjet e rinj dhe ekipet e femrave.

“Është një sfidë e re dhe jam shumë i lumtur që Al Nassr më ka dhënë këtë mundësi për t’u zhvilluar, jo vetëm në futboll, por edhe për brezat e rinj, dhe për gratë gjithashtu. Shumë njerëz ndoshta nuk e dinë, por Al Nassr ka edhe një ekip futbolli për femra. Futbolli i femrave është shumë konkurrues këtu”, kishte deklaruar portugezi. /Telegrafi/

View this post on Instagram

A post shared by Cristiano Ronaldo (@cristiano)