Alessio Romagnoli beson se sulmuesi i Chelseat, Gonzalo Higuain, është më i miri në botë.

Higuain shënoi gjashtë gola në gjysmën e parë të sezonit të Serie A, por forma e tij gjatë 15 ndeshjeve e pa shpesh pjesë të kritikave sulmuesin argjentinas.

31-vjeçari ka ndërruar Italinë për Anglinë muajin e kaluar pasi Chelsea ranë dakord për një kontratë huazimi me klubin amë Juventusin dhe Milani vendosi ta zëvendësoj me Krzysztof Piatek nga Genoa.

Nga Higuain te Piatek e Fabregas, Goal.com zgjedh formacionin më të mirë të transferimeve të janarit Nga Higuain te Piatek e Fabregas, Goal.com zgjedh formacionin më të mirë të transferimeve të janarit

Pas dështimit për të shënuar në dy ndeshjet e para të Chelsea, Higuain gjeti dy herë rrjetën kundër Huddersfield Town dhe kapiteni i Milanit, Romagnoli ka pranuar se ndihej keq për largimin e tij nga San Siro.

Higuain duke festuar golin e parë me fanellën e Chelseat (Foto: Catherine Ivill/Getty Images/Guliver)

“Unë ende mendoj se ai është sulmuesi më i mirë në botë”, ka thënë fillimisht Romagnoli për Calciomercato .

“Më vjen keq që ai vendosi të largohet, por respektojmë vendimin e tij”.

Hazard i lumtur me golat e Higuainit Hazard i lumtur me golat e Higuainit

“Ai është një mik i imi dhe nëse është i lumtur, unë jam në rregull me të”.

“Tani kemi lojtarë të tjerë që nuk do të na bëjnë të pendohemi për largimin e tij”., përfundoi kapiteni i Milanit. /Telegrafi/