Roma – Milan, formacionet e mundshme të derbin të javës në Serie A

Roma dhe Milani do të ndeshen sot (e diel) mes vete në derbin e vlefshëm për javën e 24-të në Serie A.

Giallorossët janë nikoqir të Rossonerëve në ndeshjen derbin të kësaj jave, e cila pritet të zhvillohet në stadiumin Olimpico nga ora 20:45.

Ekipi i Paolo Fonsecas vjen në këtë ndeshje me formë të luhatshme, por shpreson të fitojë për të parakaluar Juventusin në tabelë dhe për ta rrëmbyer pozitën e tretë.

Në anën tjetër, ekipi i Stefano Piolit vjen nga dy humbje radhazi në kampionat dhe synon t’i kthehet rezultateve pozitive për t’i qëndruar pranë liderëve të Interit.

Trajnerët e të dyja skuadrave pritet të startojnë me formacionet më të mira të mundshme, edhe përkundër mungesave të theksuara.

Te Roma nga minuta e parë prite të luajnë Ginaluca Mancini, Jordan Veretout dhe Henrik Mkhitaryan, ndërsa te Milani pritet të startojnë Theo Hernandez, Hakan Calhanoglu dhe Zlatan Ibrahimovic.

Roma (3-4-2-1): Lopez; Fazio, Cristante, Mancini; Karsdorp, Pellegrini, Veretout, Spinazzola; El Shaarawy, Mkhitaryan; Mayoral

Milan (4-2-3-1): Donnarumma; Calabria, Kjaer, Romagnoli, Hernandez; Tonali, Kessie; Saelemaekers, Calhanoglu, Leao; Ibrahimovic

/Telegrafi/