Dukagjini ka arritur fitore ndaj Malishevës në udhëtim me rezultat 4-3, sfidë kjo e vlefshme për javën e dhjetë në elitën e futbollit kosovar.
Ishin vendasit ata që kaluan të parët në avantazh, kur në minutën e 11-të Altin Aliu shënon për t’i dhënë epërsinë ekipit të tij, pas një asistimi nga Drilon Hazrollaj.
Teksa po afrohej fundi i pjesës së parë u shënuan edhe dy gola por njëri prej tyre u anulua.
Fillimisht, Nyavedji u përkujdes për të dyfishuar epërsinë e Malishevës më një gol të shënuar në minutën e 40-të pasi u shërbye mjaft mirë nga Altin Aliu.
Vetëm dy minuta më vonë, saktësisht në minutën e 42-të Marclei Santos shënoi për të ngushtuar epërsinë, por VAR-i intervenoi dhe anuloi golin për pozitë të parregullt.
Pjesa e parë përfundoi me epërsi dyshifrore të Malishevës.
Në start të pjesës së dytë, në minutën e 47-të shënon Iljasa Zulfiu për të ngushtuar epërsinë e vendasve dhe për të rihapur edhe një herë sfidën.
Ky gol siç duket i motivoi mysafirët të cilët nuk vonuan shumë për të shënuar golin e barazimit dhe atë e gjetën në minutën e 55-të, ku këtë herë protagonist ishte Iran Junior i cili u asistua nga Marclei Santos.
Golin e tretë dhe të rikthimit për Dukagjinin e shënoi pikërisht Marclei Santos në minutën e 70-të të ndeshjes.
Ndërsa, golin e katërt dhe atë që vulosi rikthimin e “çmendur” të Dukagjinit e shënoi Altin Mërlaku në minutën e 80-të të takimit.
Malisheva u mundua të rikthehet në lojë pasi shënuan edhe një herë tjetër në minutën e 93-të përmes Drilon Hazrollajt, por ai gol nuk mjaftoi për të shmangur humbjen.
Kështu Dukagjini mori fitoren e dytë këtë edicion duke shënuar që të gjithë golat në pjesën e dytë.
Pas kësaj ndeshje Dukagjini gjen veten në pozitën e gjashtë me 12 pikë të grumbullara aq sa ka edhe Malisheva./Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251