Reperi Kid Cudi detyrohet të largohet nga skena pasi fansat e gjuajnë me gjësende të ndryshme

Kid Cudi u largua nga skena gjatë performancës së tij në “Rolling Loud” në Miami të premten në mbrëmje (22 korrik).

Performuesi 38-vjeçar po shërbente si titullar në festivalin vjetor të hip-hopit kur u mërzit me disa nga fansat e tij të cilët hodhën sende të ndryshme në skenë.

Reperi shërbeu si zëvendësues për titullarin e planifikuar më parë, Kanye West , i cili bëri një paraqitje surprizë gjatë setit të Lil Durk në këtë event.

“Nëse goditem me një gjë tjetër, nëse shoh një gjë tjetër në këtë skenë, po largohem. Mos u grind me mua”, u dëgjua të thotë reperi në një video që u shpërnda në Twitter.

Një nga të pranishmit e performancës menjëherë vazhdoi të hidhte një artikull në skenë, të cilit reperi iu përgjigj duke u larguar.

Fansat e yllit të “Pursuit of Happiness” u dëgjuan më pas duke bërtitur ndërsa ai po shkonte në prapaskenë, shkruan DailyMail.

Disa pjesëmarrës të tjerë të koncertit vazhduan të hidhnin më shumë gjëra në skenë teksa ai po largohej.

Ndërsa West u shfaq me fytyrën të lyer me ngjyrë të zezë përpara se të bashkohej me Lil Durk për performancën e tij.

Performuesi, i cili kohët e fundit ndryshoi emrin e tij në Ye, performoi këngën e tij “Father Stretch My Hands Pt. 1”, e cila kryesisht përmbante vokale nga Kid Cudi.

Fituesi i “Grammy” më parë supozohej të shërbente si titullar i “Rolling Loud”, megjithëse ai u largua papritur në fillim të këtij muaji.

“Ne po prisnim me padurim që Ye në krye të Rolling Loud Miami 2022. Kaluam muaj duke punuar me të dhe ekipin e tij për performancën”, kishin thënë bashkëthemeluesit e “Rolling Loud”, Tariq Cherif dhe Matt Zingler në një deklaratë.

Ata shtuan se tërheqja e Kanye nga festivali në minutën e fundit ishte e paprecedentë dhe e papritur.

Dyshja më tej njoftuan se reperi i “Day ‘N’ Nite” ishte sjellë për të zëvendësuar ish-bashkëpunëtorin e tij.

Kujtojmë që dy reperët ishin miq dhe bashkëpunëtorë të ngushtë, të cilët kishin punuar në disa projekte me njëri-tjetrin, duke përfshirë albumin e vitit 2018, “Kids See Ghosts”.

Megjithatë, miqësia e tyre mori fund shkurtin e kaluar kur West zbuloi se Kid Cuid nuk do të përfshihej në albumin e tij “Donda 2”.

Ai thuhet se u largua nga albumi i Kanye për shkak të miqësisë së tij me Pete Davidson, i cili aktualisht është në lidhje me ish-gruan e West, Kim Kardashian.

Kid Cudi më vonë sulmoi ish-mikun e tij në deklarata të ndryshme publike që u shpërndanë gjerësisht në rrjetet sociale. /Telegrafi/