Rëndohet gjendja e Dani Alvesit – ka bërë kërkesë të dhimbshme ndaj gardianëve të burgut

Dani Alves thuhet se ka kërkuar të mbyllet në qelinë e tij për pjesën më të madhe të ditës pasi gruaja e tij ia kërkoi divorcin, pas akuzave se ai përdhunoi një grua.

Ish-ylli i futbollit të Brazilit dhe Barcelonës  ka qenë në burg që kur u arrestua më 20 janar mes pretendimeve se sulmoi gruan në një klub nate të Barcelonës në fund të vitit të kaluar.

Gruaja e tij Joana Sanz e vizitoi atë në burgun Brians 2 në Kataluni në shkurt mes raportimeve se modelja kishte kërkuar divorc.

Lexo po ashtu Përmbyset bota e Dani Alvesit shkaku i akuzave për përdhunim - futbollisti ka hyrë tani edhe në grevë urie

Burimet thanë se ai “është plotësisht i shkatërruar dhe shumë nervoz” pasi gruaja e tij 29-vjeçare Joana i tha atij se donte t’i jepte fund martesës së tyre.

Sipas Cuatro, Alves dëshiron të jetë “i mbyllur në qelinë e tij” për pjesën më të madhe të ditës në burgun ku po mbahet.

Lexo po ashtu Një tjetër femër akuzon Dani Alvesin për sulm seksual

Kuptohet se ai tani është në një qeli i vetëm, pasi më parë e kishte ndarë atë me një të burgosur tjetër.

Alves gjithashtu ka hyrë në grevë urie dhe ka ditë që ai nuk ha fare, sipas raportimeve.

Lexo po ashtu Dani Alves luan ndeshjen e tij të parë në burg, së bashku me ish-truprojën e Ronaldinhos

Por – thuhet se atij i lejohen vizitat ditore në burg, ku bëhet e ditur se ka bërë debutimin e tij në futboll në burg.

Asnjë datë nuk është caktuar për gjyqin e Alves, ndërsa braziliani do të vazhdojë qëndrimin prapa grilave. /Telegrafi/