Magazina Po Flitet

Reagon Amina – femra me të cilën ASAP Rocky po akuzohet se e ka tradhtuar Rihannan: Gënjeshtër e pabazë

Para 2 vitesh

Gruaja e akuzuar se ka pasur një lidhje me ASAP Rockyn gjatë shtatzënisë së Rihannas, i ka mohuar me forcë akuzat.

Dizajnerja e këpucëve, Amina Muaddi u lajmërua në Instagram të premten për të lëshuar një deklaratë pasi rrjete sociale “vluan” me pretendimet se reperi, 33 vjeç, kishte tradhtuar këngëtaren shtatzënë 34 vjeçe me të, shkruan DailyMail.

Ajo shkroi: “Gjithmonë kam besuar se një gënjeshtër e pabazë e përhapur në rrjetet sociale nuk meriton asnjë përgjigje apo sqarim, veçanërisht një gënjeshtër kaq e poshtër”.

“Fillimisht supozova se këto thashetheme të rreme – të fabrikuara me qëllime të tilla keqdashëse – nuk do të merreshin seriozisht”, shtoi ajo.

“Megjithatë në 24 orët e fundit më është kujtuar se jetojmë në një shoqëri që është kaq e shpejtë për të folur për tema, pavarësisht nga baza faktike dhe se asgjë nuk është jashtë kufijve”.

“As gjatë asaj që duhet të jetë një nga periudhat më të bukura dhe më të festuara në jetën e dikujt. Prandaj më duhet të flas pasi kjo jo vetëm që drejtohet ndaj meje, por është e lidhur me njerëzit për të cilët kam shumë respekt dhe dashuri”, shtoi Amina.

“Ndërsa Rihanna po vazhdon të jetojë jetën e saj të qetë gjatë shtatzënisë dhe unë i kthehem biznesit tim – u uroj të gjithëve një fundjavë të bukur pashkësh”, theksoi ajo.

Një burim i lidhur drejtpërdrejt me të dy artistët i kishte thënë më herët tabloidit TMZ se thashethemet e tradhtisë dhe ndarjes ishin “100 për qind të rreme për të dyja akuzat”, duke shtuar se “një milion për qind nuk janë të vërteta. Ata janë mirë”.

Drama filloi të enjten kur blogeri i modës Louis Pisano shkroi në Twitter: “Rihanna dhe Rocky ASAP janë ndarë. Rihanna u nda me të pasi e kapi atë duke tradhtuar me dizajneren e këpucëve Amina Muaddi”.

Ai vazhdoi: “Amina ishte përgjegjëse për dizajnimin e ofertës së këpucëve të ‘Fenty’ dhe Rihanna shpesh shihet me këpucë të personalizuara nga marka e saj”.

Tre ditë më parë, Rihanna u pa me një palë këpucë të dizajnuara nga Amina dhe ripostoi imazhet e pamjes në Instagram.

Amina, 35 vjeçe, i tha më parë Revistës British Vogue se si filloi marrëdhënia e saj e punës me këngëtaren, duke shpjeguar: “Stilisti e Rihannas dhe unë jemi miq, kështu që ai pa disa prototipe të hershme. Por më pas ajo bleu disa palë vetë përmes blerësit të saj personal”.

“Ajo është një person kaq i mirë. Ajo më dërgoi disa rroba ‘Fenty’ kur lansoi në treg markën e saj – ndihem mahnitëse kur i vesh ato”, kishte thënë bukuroshja në intervistën e saj për British Vogue.

Nuk dihet nëse Amina është aktualisht në një lidhje.

Louis pohoi në statusin e tij në Twitter se ASAP, 33 vjeç dhe Amina kishin pasur lidhje në të kaluarën, por megjithëse dyshja janë miq prej vitesh, nuk dihet nëse lidhja e tyre ka qenë ndonjëherë e një natyre romantike.

DailyMail ka kontaktuar përfaqësuesit për media të Rihannas, ASAP Rockyt dhe Aminas për të marrë komente mbi çështjen, por asnjëri prej tyre nuk janë prononcuar. /Telegrafi/