Real Madridi regjistroi një tjetër ndeshje pa fitore në Ligën e Kampionëve duke barazuar (2-2) ndaj Club Brugge në Santiago Bernabeu.

Mbretërit u kthyen nga disavantazhi prej dy golash për ta barazuar rezultatin, ndërsa ky është fillimi më i keq ndonjëherë për Los Blancos në këtë garë.

Real Madridi merr vetëm barazim në shtëpi ndaj Club Brugge Real Madridi merr vetëm barazim në shtëpi ndaj Club Brugge

Sergio Ramos (Foto: Gonzalo Arroyo Moreno/Getty Images/Guliver)

Por, një gjë pozitive e këtij takimi ishte kapiteni Sergio Ramos, i cili u tregua edhe një herë vendimtar që pos angazhimit në mbrojtje, arriti edhe të shënojë gol.

Ky ishte goli i shtatë i shënuar me kokë nga qendërmbrojtësi spanjoll në garën më të madhe evropiane për klube që nga sezoni 2003/2004.

Në këtë mënyrë, ai e ka barazuar rekordin me ish-mbrojtësin e Chelseat, John Terryn, i cili po ashtu i ka shënuar shtatë gola me kokë në këtë periudhë.

Ndeshja tjetër e Realit në Ligën e Kampionëve është udhëtimi në Stamboll te Galatasaray më 22 tetor. /Telegrafi/