Dorërheqja e përfaqësuesve serb nga institucionet e Kosovës dhe situata e krijuar në veri të vendit ka nxitur shumë reagime dhe debate ditëve të fundit.
Qytetarët e anketuar nga Telegrafi shprehen të shqetësuar lidhur me këtë situatë.
Bajram Potera tha se vendimi i kryeministrit Kurti për t’i kundërshtuar ndërkombëtarët e ka sjellë situatën deri në këtë pikë.
Tutje Potera tha se nuk e ka idenë se si do të zgjidhet ndërprerja e bashkëpunimit institucional mes përfaqësuesve serbë dhe Qeverisë së Kosovës.
“Zhvillimet atje i kam përcjell me shumë shqetësim. Mendoj që situata në veri ka marrë një kahje të paparashikueshme. Nuk e di se si do të rrjedhë më tutje kjo situatë, mirëpo jam i shqetësuar. Vendimi i kryeministrit tonë që të kundërshtohen kategorikisht ndërkombëtarët ka ndikuar që të vijmë në këtë situatë që jemi tash”, tha Potera.
Në anën tjetër avokati Tomë Gashi tha se nuk do të ketë destabilizim të situatës. Vendimin e serbëve për t’u larguar nga institucionet e Kosovës ai e quajti vendim koti.
“Albin Kurti është duke u munduar dhe duke ia dalë me mjaft sukses që t’i përmirësojë gabimet e të tjerëve, atyre që ishin përpara në qeverisje. Nuk do të ketë sigurisht asnjë destabilizim. Janë të kota ato që po e bëjnë funksionarët serbë. Ata do ta bëjnë këtë përkohësisht”, deklaroi Gashi për Telegrafin.
E Nazmi Avdullahu fajin për eskalimin e situatës në veri ua hedh institucioneve të Kosovës, sepse thotë se nuk është dashur që të tolerohen kaq shumë serbët.
“Institucionet tona kanë faj që po i tolerojnë pothuajse për 24 vjet. Gjatë gjithë kohës duke u lëshuar pe atyre, nuk shkon gjithë”, theksoi ai.
Nikollë Berisha tha se në këto çështje po përzihet Qeveria e Serbisë dhe kjo konsiston me jo respektim të shtetit të Kosovës, nga serbët e veriut.
“Kryeministri Kurti duhet të jetë i sigurt dhe i saktë në vendimet e veta. Kjo është çështje e ndërlikuar shumë”, vlerësoi ai.
Enver Elshani tha se duhet të bëhet shkëmbim territoresh që veriu t’i jepet Serbisë kurse Lugina e Preshevës t’i jepet Kosovës.
“Politikanët duhet të jenë pak më serioz dhe të bëhet ndërrimi me Luginën e Preshevës. T’ua japim veriun, pasi atje 90 për qind e popullatës janë serbë dhe na ta marrim Luginën. që është e banuar me shumicë shqiptare”, tha ai.
Tensionet u shtuan pasi Lista Serbe deklaroi të shtunën se do të largohet nga institucionet e Kosovës për shkak të vendimit të Qeverisë së Kosovës për targat. Pas vendimit – të marrë në një takim me dyer të mbyllura në Zveçan – dorëheqje dhanë edhe pjesëtarët serbë të Policisë së Kosovës, ata të gjyqësorit dhe prokurorisë në veri.
Ndërsa, Albin Kurti në një konferencë për medie gjatë ditës së hënë ka thënë se pavarësisht zhvillimeve të fundit në veri, institucionet shtetërore kanë vazhduar normalisht punën.
Kurti, tutje tha se Serbia po vazhdon lidhjet e saja me Rusinë e Kinën, derisa po kundërshton propozimin franko-gjerman.
“Nuk bëhet fjalë as për targat e as për Nenad Gjuriqin, por në pyetje është vetëm refuzimi që ata po i bëjnë planit franko-gjerman. Ata tash duhet ta kamuflojnë këtë refuzim duke përdorur pjesëtarët e strukturave ilegale”, tha Kurti. /Telegrafi/
Lufta Prigozhin - Putin
Më shumëNga Rubrika
Kallëzim penal kundër një 44-vjeçare nga Velesi, ka përdorur dokument të falsifikuar
Rriten çmimet e sigurimeve për automjetet në Maqedoni
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Për herë të parë sot mbahet seanca në objektin e Komunës së Zubin Potokut
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre