Riqui Puig është duke pasur më pak minuta se sa pritej para fillimit të edicionit te Barcelona.

Mesfushori i talentuar katalunas ka vendosur të qëndrojë në klub për të luftuar për një vend titullari, por ai nuk pëlqehet shumë nga trajneri Ronald Koeman.

Duke parë situatën e vështirë te Barça, Puig ka vendosur të largohet nga Barcelona në janar si huazim.

22-vjeçari ka vetëm katër ndeshje këtë edicion dhe të gjitha si i inkuadruar nga banka rezervë.

Barcelona e vlerëson shumë yllin e ri dhe do ta lejoj largimin e tij vetëm në huazim pasi refuzon ta shesë përfundimisht.

Mundo Deportivo ka raportuar se dy skuadra tanimë janë interesuar për huazimin e tij.

Roma dhe Real Betis janë dy skuadrat që kanë shprehur interesim për huazimin e lojtarit gjatë janarit.

Megjithatë skuadra spanjolle Betis po shihet si favorit për t’i fituar shërbimet e tij, pasi vet Puig dëshiron të luaj në Spanjë. /Telegrafi/