Organizata e Veteranëve të Luftës së Ushtrisë Çlirimtare të Kosovës, ka paralajmëruar për të enjten, 16 qershor 2022) protestë gjithëpopullore në shenjë kundërshtimi për miratimin e Ligjit për pagën minimale.

E pas paralajmërimit për këtë protestë, Lëvizja për Bashkim sikurse herën e kaluar ka thënë se do ta mbështesë.

“Të enjten, më 16 qershor 2022, organizatat e dala nga lufta e UÇK-së, prej orës 9:30, para Qeverisë dhe para Kuvendit të Kosovës, do të organizojnë protestë kundër diskriminimit që po iu bëhet veteranëve, invalidëve dhe familjeve të dëshmorëve.

LB, e bindur në drejtësinë e kësaj çështjeje, të ngritur nga OVL e UÇK-së, ka vendosur që ta mbështesë protestën dhe do të marrë pjesë aktive në të. LB është e bindur se këndvështrimi i mbrapshtë që kinse kategoritë e dala nga lufta qenkan barrë për shoqërinë, është antinjerëzor dhe antikombëtar”, thuhet në njoftimin e tyre.

Reklama
Reklama
OVL e UÇK-së protestë të enjten: Miratuat Projektligjin për Pagën minimale të rrethuar me forca policore OVL e UÇK-së protestë të enjten: Miratuat Projektligjin për Pagën minimale të rrethuar me forca policore

Lëvizja për Bashkim ka ftuar që jo vetëm veteranët, por të gjithë qytetarët t’i bashkohen protestës dhe të mos lejojnë që kategoritë më meritore për lirinë që po e gëzojmë, të shndërrohen në kategori sociale!

“JO diskriminimit të mëtutjeshëm të luftëtarëve të lirisë! TË GJITHË në protestë në mbrojtje të njerëzve më meritorë për lirinë që po e gëzojmë”, thuhet në njoftim.

Në anën tjetër, KMDLNJ u ka bërë thirrje organizatorëve të protestës, që ajo të jetë e qetë.

“KMDLNj konsideron se protesta e paralajmëruar e veteranëve të luftës të Ushtrisë Çlirimtare të Kosovës është plotësisht e drejtë dhe paraqet përpjekje për mbrojtje të drejtave të njeriut të kësaj kategorie që kohëve të fundit përveç shpërfilljes institucionale, nga përfaqësuesit e institucioneve që duhet t’i mbrojnë, në mënyrën më brutale dhe më të panjerëzishme po fyhen, po stigmatizohen duke anashkaluar dhe mohuar kontributin e tyre të pamohueshëm për liri dhe çlirim të Kosovës”, thuhet në njoftimin e KMDLNJ-së.

Reklama
Reklama

KMDLNJ ka theksuar se do të monitorojë nesër protestën e paralajmëruar të veteranëve të Ushtrisë Çlirimtare të Kosovës dhe shpreson se kjo protestë krejtësisht e drejtë dhe e arsyeshme do të jetë paqësore duke përjashtuar çdo lloj dhune nga cilado palë dhe, në të njëjtën kohë thërret palët që t’i përmbahen rregullave të një proteste paqësore e që është rregulluar me ligjet në fuqi në Kosovë.

“Çdo përdorim i dhunës nga cilado palë për KMDLNj –në do të jetë e papranueshme dhe, si e tillë nuk do të përkrahet”, thuhet në njoftim. /Telegrafi/