Profili i Gwen Stefani: Këngëtare dhe ikonë e modës (Video)

Një ndër gjërat që deri tani ka mësuar në jetën e saj, është që procesi krijues është më i rëndësishëm se rezultati përfundimtar.

E gjitha ka lidhje me udhëtimin, nga fillimi i një projekti deri te përfundimi i tij. Këtë vazhdon ta thotë në çdo intervistë, këngëtarja simpatike dhe shumë e dashur për publikun, Gwen Stefani.

Gwen, një figurë e njohur për botën e muzikës dhe modës dhe njëra ndër themelueset e grupit No Doubt, u lind më 3 tetor të vitit 1969 në Fullerton të Kalifornisë.

Duke parë nënën e saj tek qepte, filloi t’i pëlqente gjithçka që kishte të bënte me modën. Ndërsa, dashuria e saj për muzikën ishte e influencuar nga vëllau i saj më i madh Eriz, i cili këndonte me grupe të ndryshme.

Lexo po ashtu Të gjitha lajmet rreth Gwen Stefanit

Albumin e saj të parë solo e realizoi në vitin 2004. Love Angel Music Baby, ishte albumi debutues i artistes që kishte muzikë më të gjallë, në krahasim me atë të grupit No Doubt. U prit mirë nga publiku e gjithashtu nga shumë muzicient.

Bashkëpunimet e saj me producent dhe kompozitor të njohur ishin të shumta. Këngët si Rich Girl dhe Hollaback Girl, ishin disa nga këngët më të suksesshme të Gwen Stefanit. U mor edhe me aktrim. Talentin e saj në këtë fushë e tregoi në filmin The Aviator, ku luante bashkë me Leonardo Di Carpio.

Për më tepër detaje, shikojeni profilin e saj, i përgatitur nga RTV Dukagjini.