Mashtrimi interesant i Vicent Aboubakar, bëri transplantim flokësh dhe u ankua si i dëmtuar – kamerunasi nuk mund ta godiste topin me kokë 

Bordi i ri i Besiktasit, po kalon një krizë të rëndë sportive dhe ka reaguar me dorë të rëndë pas humbjes në shtëpi në derbin ndaj Fenerbahçes me rezultat 3-1.

Klubi ka suspenduar pesë lojtarë: Eric Bailly, Vicent Aboubakar, Jean Onana, Valentin Rosier dhe Rachid Ghezzal.

Megjithatë, pas përjashtimit të Aboubakar qëndron një histori e pabesueshme. Sipas mediumit të njohur ‘Fanatik’, ish-lojtari i Portos kishte udhëtuar deri në tre herë drejt Parisit pa leje nga klubi.

Në fund, gjatë pushimit të kombëtareve, ai fluturoi drejt Kamerunit – ku ishte i përqendruar me ‘Luanët e Paepur’, por nuk u kthye në Turqi – por shkoi drejt kryeqytetit francez me pretendimin se gruaja e tij ishte e sëmurë.

View this post on Instagram

A post shared by Aboubakar Vincent (@aboubakarvincent)

E vërteta është se Aboubakar, duke luajtur në Turqi, ‘djepi’ i mbjelljes së flokëve, ka udhëtuar drejt Parisit për t’iu nënshtruar një transplanti… dhe kontrolleve të mëvonshme.

Problemi i vërtetë erdhi kur kamerunasi, i kthyer në Stamboll, tha se ishte i lënduar dhe filloi të stërvitet individualisht. Por më vonë ai nuk morri pjesë as në ndeshje.

Arsyeja kryesore që nuk stërviste dhe as nuk luante, ishte një tjetër. Mjekët e këshilluan Aboubakarin të mos godiste topin me kokë për tre javë në mënyrë që transplanti i flokëve të mund të vendosej siç duhet.

Aboubakar, çuditërisht, edhe pas këtij episodi mund të marrë një ‘falje’ nga Besiktas.

View this post on Instagram

A post shared by Aboubakar Vincent (@aboubakarvincent)

Fabrizio Romano shkruan se klubi dhe lojtari po përpiqen “të gjejnë një zgjidhje që lojtari të ribashkohet në grup”.

Kujtojmë se kamerunas është lojtari kryesor i Besiktas me 11 gola dhe tre asistime në 22 ndeshjet që ka luajtur këtë sezon. /Telegrafi/