Prishtina në seri të fitoreve, lider i ri në Superligë

Prishtina ka fituar edhe ndeshjen e tretë radhazi në Vala Superligën e Kosovës.

‘Viktima’ e tretë e kryeqytetasve ishte skuadra pejane Besa që u mposht me rezultat 4-0.

Prishtina e nisi më mirë ndeshjen dhe që nga minuta e parë rrezikoi portën e mysafirëve.

Por për ta parë golin e parë në këtë sfidë u desh të pritej deri në minutën e 22-të kur afrikani Guthier Makenda realizoi për 1-0.

Vetëm dy minuta më vonë, Prishtina shënoi edhe një gol për të shtuar epërsinë në 2-0.

Sulmuesi në formë të mirë, Ahmed Januzi shënoi nga afërsia për dyfishimin e epërsisë së Prishtinës.

Tre minuta para fundit të ndeshjes, talenti i Prishtinës, Ergyn Ahmeti realizoi golin e tretë në këtë takim dhe të parin me fanellën bardh e kaltër.

Me epërsinë 3-0 të vendasve përfunduan 45 minutat e para të kësaj sfide.

Edhe në pjesën e dytë Prishtina luajti më mirë duke organizuar disa aksione të mira.

Ishte minuta e 80-të e ndeshjes, kur sulmuesi afrikan Guthier Makenda asistoi bukur tek Ergyn Ahmeti i cili shënoi për 4-0, që ishte edhe goli i dytë personal për të.

Pas kësaj fitore, Prishtina është ngjitur në pozitën e parë në tabelë me 21 pikë, duke lënë mbrapa Llapin me një pikë më pak.

Në javën e ardhshme, Prishtina do të udhëtoj drejt Gjilanit për tu përballur me Dritën, ndërsa Besa pret Gjilanin. /Telegrafi/