0Shares

Prishtina ka pësuar humbje në kuadër të garave evropiane në FIBA Europe Cup.

Prishtinasit nuk ka arritur të përballojë skuadrën turke të Pinar Karsiyakass, e cila triumfoi me rezultat të thellë prej 107:85.

Turqit për asnjë moment nuk e vënë në dyshim fitoren e tyre duke triumfuar në të gjitha periudhat e ndeshjes.

Qysh në pjesën e parë vendasit treguan se janë më superior se skuadra jonë, ku njëzet minuta e para përfunduan me rezultat 12 pikë epërsi.

Basketbollisti më efikas te bardhekaltërit ishte Kyan Anderson, i cili ka realizuar 21 pikë gjersa Dardan Berisha shënoi 16 pikë.

Te Karsiyaka i pandalshëm ishte amerikani, Sek Henry, i cili regjistroi “double-double” në saje të 22 pikëve dhe 11 kërcimeve.

Pas kësaj, Prishtina zë pozitën e tretë të renditjes tabelore të grupit I me katër pikë gjersa Pinari është lider me pesë pikë.

Ndryshe, nënkampionët e Kosovës takimin e radhës do ta luajë para shikuesve të vetë kundër s.Olivier Wurzburg. /Telegrafi/

Të Ngjajshme
Shfaq Komentet (0)