Interi ka fituar Superkupën e Italisë dhe presidenti i klubit, Steven Zhang ka dhënë mendimet e tij pas fitores së minutave të fundit ndaj Juventusit.

Golat e Lautaro Martinez dhe Alexis Sanchez panë Interin të fitojë Superkupën e Italisë, e cila ishte e gjashta e klubit në historinë e tyre.

Kampionët e Serie A treguan guxim, cilësi dhe dëshirë për të fituar trofeun e tyre të parë të vitit 2022 dhe kjo e ka bërë të lumtur presidentin Zhang.

Interi mposht Juventusin pas vazhdimeve dhe fiton Superkupën e Italisë Interi mposht Juventusin pas vazhdimeve dhe fiton Superkupën e Italisë

“Ky është një moment vërtet i veçantë për ne; jemi të kënaqur. Ekipi luajti shkëlqyeshëm, ne jemi gjithashtu në krye të ligës, dhe ky trofe është fryt i punës së trajnerit dhe lojtarëve”, ka thënë fillimisht Zhang për Inter TV.

“Unë jam vërtet i lumtur me rezultatin. Kjo fitore e trofeut në atë që është një kohë e vështirë në futboll na nxit. E gjithë kjo është për shkak të gjithë punës së palodhur që kemi bërë së bashku gjatë këtyre gjashtë viteve të fundit”.

Inzaghi: Juventusi i fortë, por Interi e meritoi Superkupën e Italisë Inzaghi: Juventusi i fortë, por Interi e meritoi Superkupën e Italisë

“Do të doja t’ia kushtoja këtë fitore të gjithë tifozëve të Interit në mbarë botën dhe të gjithë ata që punojnë për klubin”.

“Janë ata që e kanë çuar përpara këtë projekt. Pa ata kjo nuk do të ishte e mundur”, përfundoi presidenti i Interit. /Telegrafi/