Presidenti i Brescias, Cellino: Tonali do të shitet, Balotelli dhe unë gabuam duke i besuar njëri-tjetrit

Presidenti i Brescia, Massimo Cellino do të ‘mbajë premtimin’ për të shitur Sandro Tonalim, ndërsa pranon se e ndan fajin ’50 -50′ me Mario Balotellin.

Brescia ka rënë matematikisht nga Serie A pas një sezoni vërtet kaotik, i cila pa shkarkimin e trajnerit Eugenio Corini, Fabio Grosson që humbi çdo ndeshje dhe pastaj u largua për të bërë rrugë për Diego Lopez.

“Jam i shqetësuar, më besoni. Megjithatë, nuk jam i mërzitur me aktgjykimin, sepse këtë sezon ka qenë thjesht agoni e pafund dhe nuk mund të prisja që të mbaronte. Jam një luftëtar, por nuk mund të mohoj se kishte ca lodhje”, ka thënë fillimisht Cellino për gazetën Corriere di Brescia.

Lexo po ashtu Brescia përditëson të dhënat e Balotellit – Tani peshon rreth 100 kilogramë apo tetë kilogramë mbipeshë

“Kam bërë gabime, unë marr pjesën time të përgjegjësisë dhe kam nënvlerësuar rreziqet edhe nga vera e kaluar. Ky është dështimi im personal”.

“Kishte disa keqkuptime me Corinin që në fillim, pasi ai shpresonte për disa gjëra, unë shpresoja për të tjera, dhe ai dukej si një person tjetër për mua. Arsyetimi im i vetëm është se kisha shumë gjëra për të menduar, me zhvillimin e stadiumit, terrenin e blerë dhe tregun e transferimeve”.

“Ky ishte një ekip që ishte ngritur në entuziazëm për promovimin e tij nga Serie B dhe pranoj që nuk e mbrojta aq sa duhet, kështu që u shkatërrua. Ndoqa një yll në qiell dhe nxora sytë nga ekipi, i cili kishte aftësitë për të shmangur rënien edhe pa Balotellin”.

“Ai gaboi, unë gabova, ne e ndajmë fajin 50-50. Mendova se ai mund të më ndihmojë, por mendoj se të dy pritjet tona ishin të pabaza”.

Lexo po ashtu Marotta: E duam Tonalin, por ende nuk ka bisedime për transferimin e tij

Me rënien në Serie B, duket e pashmangshme që Tonali të mos shitet këtë verë.

“Unë i bëra Sandros një premtim dhe synoj ta mbaj atë. Ai na mbajti për dy vjet, kishim probleme muskulore para mbylljes, pastaj shumë presion mbi supet. Kështu që Sandro mund të largohet, por më vjen keq, nuk do të shes askënd tjetër”, përfundoi pronari i Brescias. /Telegrafi/