LAJMI I FUNDIT:

Portugalia e nis me fitore Botërorin në Katar duke nënshtruar Ganën

Portugalia e nis me fitore Botërorin në Katar duke nënshtruar Ganën
(Foto: Getty Images)

Përfaqësuesja e Portugalisë nuk ka lejuar befasi në përballjen e parë të fazës grupore në Kampionatin Botëror duke fituar me rezultat 3-2 kundër Ganës në Stadium 974 në Doha.

Fraksioni i parë i lojës nuk prodhoi gola, ndërsa të zbehta ishin edhe rastet e shënimit. Mirëpo, gjithçka ndryshoi në gjysmën e dytë të takimit, ku të dyja skuadrat e gjetën rrjetën.

Portugezët e deshën më shumë golin, megjithëse u rrezikuan me raste nga ganezët dhe ia dolën ta zhbllokonin rezultatin në minutën e 65-të.

(Foto: Getty Images)

Ishte superylli i futbollit, Cristiano Ronaldo, ai që me mjeshtëri e nxori një penallti për ta nxjerrë veten ne rast ideal. Dhe pikërisht këtë e bëri. 37-vjeçari u tregua i saktë nga pika e bardhë duke e konvertuar në gol njëmbëdhjetëmetërshin për t’ia dhënë epërsinë përfaqësueses së tij.

Mirëpo, kaluan vetëm tetë minuta dhe ganezët e barazuan rezultatin me golin e Andre Ayew (73’).

(Foto: Getty Images)

Porse, reagimi i portugezëve ishte i shpejtë për t’i rikthyer gjërat në favorin e tyre. Bruno Fernandes e gjeti në pozitë të mirë Joao Felixin, i cili e riktheu epërsinë (78’).

Nuk kishin kaluar shumë minuta prej se kishte hyrë në lojë Rafael Leao dhe sulmuesi i Milanit e realizoi golin e sigurisë (80’). Asistues sërish ishte Bruno Fernandes.

(Foto: Getty Images)

Pas një gabimi të Joao Cancelos, Rahman Baba harkoi te Osman Bukari, i cili e shënoi golin e dytë të ganezëve (89’) për t’i bërë dramatike minutat e fundit. Megjithatë, nuk pati gola të tjerë.

Pas kësaj fitoreje, Portugalia është në krye të Grupit H me tri pikë, derisa nga një pikë e kanë Uruguai dhe Koreja e Jugut, kurse Gana ndodhet në fund pa pikë. /Telegrafi/


Në trend Sport

Më shumë
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Premier League
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Barcelona mund të marrë një shifër të konsiderueshme nga Man Utd këtë verë

Barcelona mund të marrë një shifër të konsiderueshme nga Man Utd këtë verë

Ndërkombëtare
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Kalo në kategori