Paul Pogba është duke e kërkuar me ngulm transferimin te Real Madridi në këtë verë, por për të ndodhur një gjë e tillë, duhet ta dorëzojë një kërkesë te Manchester Unitedi për të mos e bllokuar kalimin.

Fituesi i Kupës së Botës u ka bërë me dije Djajve të Kuq se dëshiron të luajë nën urdhrat e Zinedine Zidane. Trajneri francez besohet t’i ketë thënë mesfushorit se ai duhet t’i bëjë presion skuadrës angleze që ta lejojnë transferimin e tij te Los Blancos.

Pogba nuk beson në projektin e Ole Gunnar Solskajer, duke kërkuar largimin nga skuadra në javët e fundit të sezonit 2018/2019, mirëpo Ed Woodward refuzon ta lejojë largimin e tij për një shumë të vogël.

Ole Gunnar Solskjaer (Foto: Stu Forster/Getty Images/Guliver)

Presidenti i Manchester Unitedit është i gatshëm që ta lejojë largimin e mesfushorit francez, vetëm nëse Real Madridi do të paguante 130 milionë euro.

Të gjitha lajmet nga Paul Pogba Të gjitha lajmet nga Paul Pogba

Solskjaer kishte bërë me dije se është i gatshëm që të ndërtonte skuadrën rreth Pogbas, por ky i fundit është i vendosur që në verë ta kompletojë transferimin në Santiago Bernabeu. /Telegrafi/