Po xhironin në vaskë për filmin e ri, por fansat vërejtën se dora e Courteney Cox shkoi te prehëri i David Beckhamit

David Beckham dhe Courteney Cox u komentuan shumë për një fotografi të fundit që qarkulloi në rrjetet sociale.

Sidoqoftë, fansat me sy të mbrehtë vërejtën se dora e 55-vjeçares ishte në prehërin e ish-futbollistit në pension, gjatë kohës sa po xhironin së bashku në vaskë të premten, shkruan DailyMail, transmeton Telegrafi.

Shumë njerëz nuk mund të rezistonin duke e përmendur gruan e Davidit, Victoria Beckhamin, duke shkruar në komente se si do të ndjehej ajo po të shihte këtë foto.

Courteney nuk dukej se e kuptoi që ajo i kishte vendosur dorën shumë pranë Davidit, 44 vjeç, pasi të dy ata ishin pozuar me yjet e shfaqjes “Friends”, Jesse Tyler Ferguson dhe Eric Stonestreet.

Një fans me shaka shkroi në komentin e tij: “E shoh atë dorë të Courtneyt. Victoria gjithashtu e sheh atë”.

“Ku po shkon dora?!” dhe “Courtney mbaji duart drejt vetes”, ishin disa nga komentet tjera.

Ndërkohë, David duket shumë i lumtur ndërsa po xhironte komedinë e re me aktoren 55-vjeçare, dhe dy yjet e tjerë që gjithashtu ndodheshin në vaskë.

Në foton me Courteney, David ishte i veshur me një palë mbathje noti, për të treguar fizikun e tij marramendës, ndërsa pozonte me aktoren.

Ndërkohë, Courteney dukej e bujshme në bikini të zeza, ndërsa ishte kombinuar edhe me një aksesor. /Telegrafi/