Manchester United ka nxjerrë në shitje Harry Maguire në afatin kalimtar të verës, sipas Manchester Evening News.
Megjithatë, ata ende nuk kanë marrë një ofertë për të dhe kjo për shkak të vlerësimit të tyre prej 60 milionë eurosh për të.
Klubet po kundërshtojnë kërkesat e larta për anglezin, i cili nuk ishte në planet e Erik ten Hag sezonin e kaluar.
United do të detyrohet të marrë në konsideratë çdo ofertë të mundshme që do të arrijë për shitjen e Maguire, pasi ata duhet të gjenerojnë fonde për të nënshkruar me lojtarë të tjerë.
Për më tepër, Djajtë e Kuq mund të kërkojnë gjithashtu një qendërmbrojtës të ri nëse arrijnë të shesin kapitenin e klubit.
Maguire ka bërë 175 paraqitje për Manchester United deri më tani, por ka pasur vështirësi për të luajtur sezonin e kaluar. /Telegrafi/
