Përforcimi më i madh i Liverpoolit kishte ofertë nga klubi për numrin tetë të Gerrard, por ai refuzoi

Mesfushori sulmues i Argjentinës, Alexis Mac Allister, mbërriti në Liverpool si një përforcim i madh dhe zgjodhi të mbante numrin 10 në shpinë, edhe pse kishte oferta të tjera.

Pas një aventure të mrekullueshme në Brighton, Mac Allister vendosi të transferohej në Anfield, pasi kishte oferta dhe mund të zgjidhte se ku do të vazhdonte karrierën.

Një numër i madh klubesh gjigante ishin të etur për shërbimet e tij, me Chelsea dhe Liverpool që kryesuan luftën më të madhe. Megjithatë, kampioni i botës me Argjentinën dhe një nga heronjtë e Kupës së Botës në Katar vitin e kaluar vendosi të transferohej në Anfield.

Mac Allister u shfaq në prezantim me fanellën me numrin 10. Ai thotë se vendosi ta veshë këtë numër sepse tashmë e ka mundësinë ta bëjë këtë në Argjentinë.

You can get your @alemacallister shirt here, Reds 👇🔴

— Liverpool FC (@LFC) June 8, 2023

Gjëja më interesante është se argjentinasit iu ofrua numri 8, të cilën Steven Gerrard e mbante në shpinë.

“Kisha opsionin për të marrë numrin tetë, që m’u ofrua. Është një numër i madh këtu sepse ishte veshur nga Steven Gerrard. Megjithatë, unë refuzova dhe zgjodha dhjetë, të cilin e vesha në Argjentinë, në Brighton dhe në Kombëtarja U-23, një numër që e dua dhe për këtë vendosa”, ka thënë Mac Allister.

Edhe pse çmimi nuk u konfirmua, Liverpooli raportohet se ka paguar 42 milionë euro për shërbimet e tij.

Kur u shfaq për herë të parë në skenën e futbollit, Mac Allister ishte interesant për mediat e ishullit për shkak të mbiemrit të tij.

Natyrisht që tërhoqi vëmendjen fakti që mbiemri i tij lidhet me Ishujt Britanikë. Ai më vonë zbuloi për mediat se paraardhësit e tij emigruan në Argjentinë nga Irlanda./Telegrafi/