Ky është momenti dramatik kur një pemë e madhe u rrëzua mbi një makinë, në një trafik të ngarkuar dhe u përplas me xhamin e përparmë të një Range Rover.

Sipas mediave britanike, përcjell Telegrafi, një ‘mini tornado’ me shpejtësi 50 milje në orë goditi Stamfordin në Lincolnshire të dielën në mëngjes, ndërsa James Clark, 56 vjeç, priste në një bllokim trafiku në orën 11:00.

Pamjet e kapura nga kamera e veturës së Liz Cousens treguan një dru (9m) që përplasej nga erërat e forta përgjatë rrugës St Paul’s në qytet.

Degët e rënda u thyen përmes xhamit të përparmë të një Range Rover dhe bagazhit të një Vauxhall Corsa – që për fat të mirë nuk goditën të dy vozitësit.

Reklama
Reklama

Clark tha: “Mbulova kokën dhe fytyrën me duar dhe gjëja tjetër ishte që një degë ra përmes xhamit të përparmë. Isha me fat. Në fillim u trondita, por jam mirë”.

Clark pësoi vetëm një gërvishtje të vogël në njërën prej duarve, ndërsa shoferi i Corsa-s shpëtoi i palënduar pas stuhisë së frikshme. /Telegrafi/