LAJMI I FUNDIT:

Peci lavdëron aksionin për konfiskimin e armatimit në Zveçan: Vuçiqi paralajmëronte se diçka mund të ndodh në veri më 28 qershor

Peci lavdëron aksionin për konfiskimin e armatimit në Zveçan: Vuçiqi paralajmëronte se diçka mund të ndodh në veri më 28 qershor
Foto: Arkiv

Drejtori ekzekutiv i KIPRED-it, Lulzim Peci, ka lavdëruar aksionin e Policisë së Kosovës për konfiskimin e një sasie të armatimit, i cili u gjet në një veturë me targa të Beogradit në Zveçan.

Peci ka thënë se e gëzon shumë fakti që edhe EULEX-i edhe KFOR-i ishin të pranishëm në këtë aksion, “pikë së pari që dëshmon koordinimin e duhur, dhe së dyti për t’ia mbyllur gojën interpretimeve dubioze”.

Ekspozohet armatimi i konfiskuar në Zveçan, 15 granatat prodhim i Serbisë i vitit 2021
Lexo po ashtu Ekspozohet armatimi i konfiskuar në Zveçan, 15 granatat prodhim i Serbisë i vitit 2021

“Vuçiqi paralajmëronte se diçka mund të ndodh në veri më 28 qershor, por tani ka gjasa të mëdha se kjo dëshire-cytje e tij të ketë pësuar fiasko! Kjo padyshim ka të bëjë me realizimin e ëndrrës së tij për ndarje të Kosovës. Koncepti i ‘Botës Serbe’ meton nëse jo sovranitetin e plotë atëherë ko-sovranitetin në vendet fqinje të saj ku jeton populli serb”, ka shkruar ai në Facebook.

Tutje, Peci ka deklaruar se situata në veri ka nevojë të shtensionohet sa më shpejtë, pasi siç ka thënë, Kosova humbë më së shumti dhe meqenëse krejt kjo po ndodhë në territorin e saj, kjo më së shumti i shkon për shtati Serbisë dhe Rusisë.

Sasi e madhe e armatimit, Sveçla jep detaje: Vetura e konfiskuar pronë e një ndërmarrje shtetërore të Serbisë
Lexo po ashtu Sasi e madhe e armatimit, Sveçla jep detaje: Vetura e konfiskuar pronë e një ndërmarrje shtetërore të Serbisë

“Kjo duhet t’i hapë rrugë sa më shpejtë zgjidhjes politike me zbatim të plotë të marrëveshjes së Brukselit/Ohrit, të cilën askush më shumë se Vuçiqi nuk dëshiron ta sabotojë”.

“Në këtë kohë është dëshmuar që edhe gabimet taktike mund të shkaktojnë pasoja strategjike. Këto duhet t’i shmangim me çdo kusht duke pasur gjithmonë interesin afatgjatë të vendit tonë dhe jo të përfundojmë në izolim dhe shtet të gjymtuar”, ka përfunduar ai.

Ndryshe, Policia e Kosovës në një konferencë të jashtëzakonshme për media, ka treguar për gjithë armatimin që kanë konfiskuar ditën e premte në komunën e Zveçanit.

Ministri i Punëve të Brendshme, Xhelal Svecla, në këtë konferencë të jashtëzakonshme së bashku me drejtorin e Policisë, Gazmend Hoxha tha se të premten është shmangur një sulm terrorist, gjersa theksoi se do të kërkojë nga Qeveria që organizatat si “Mbrojtja Civile” dhe “Severna Brigada” të shpallen organizata terroriste, raporton Telegrafi./Telegrafi/


Në trend Lajme

Më shumë
“Mesazhi ishte i qartë, lufta është afër”, ekspertët komentojnë samitin 'Ukraina – Evropa Juglindore': Nuk u mbajt rastësisht në Tiranë

“Mesazhi ishte i qartë, lufta është afër”, ekspertët komentojnë samitin 'Ukraina – Evropa Juglindore': Nuk u mbajt rastësisht në Tiranë

Siguri
Kush e ruajti Zelenskyn në Tiranë? Nga snajperët te agjentët e RENEA-s

Kush e ruajti Zelenskyn në Tiranë? Nga snajperët te agjentët e RENEA-s

Lajme
“Është goditur se është ulë pa i thënë ulu”, ish-hetuesi i Policisë komenton videon ku Radoiçiqi grushton një person

“Është goditur se është ulë pa i thënë ulu”, ish-hetuesi i Policisë komenton videon ku Radoiçiqi grushton një person

Siguri
Rasti “Veteranët”, dëshmitari thotë se bukëpjekësit pranë shtabeve të UÇK-së janë konsideruar si veteranë luftëtarë

Rasti “Veteranët”, dëshmitari thotë se bukëpjekësit pranë shtabeve të UÇK-së janë konsideruar si veteranë luftëtarë

Drejtësi
Çka deklaroi para gjykatës gruaja që e goditi për vdekje 26-vjeçarin në Prishtinë

Çka deklaroi para gjykatës gruaja që e goditi për vdekje 26-vjeçarin në Prishtinë

Drejtësi
Projektligji për shëndetin riprodhues, Reshitaj: Mund të ketë martesa mes vëllait e motrës

Projektligji për shëndetin riprodhues, Reshitaj: Mund të ketë martesa mes vëllait e motrës

Sociale
Kalo në kategori