Policia e Kosovës në një konferencë të jashtëzakonshme për media, ka treguar për gjithë armatimin që kanë konfiskuar ditën e premte në komunën e Zveçanit.
Ministri i Punëve të Brendshme, Xhelal Svecla, në këtë konferencë të jashtëzakonshme së bashku me drejtorin e Policisë, Gazmend Hoxha tha se të premten është shmangur një sulm terrorist, gjersa theksoi se do të kërkojë nga Qeveria që organizatat si “Mbrojtja Civile” dhe “Severna Brigada” të shpallen organizata terroriste, raporton Telegrafi.
“Shmangëm një sulm terrorist, u identifiku një makinë më targa të Serbisë, u zbulua sasi e madhe e armatimit, mjete eksplozive, armë automatike, shok-bomba, uniforma. Ka shenja me simbole të formacionit ilegal kriminal e terrorist ‘Brigada e Veriut’, shenja dalluese të njësiteve ruse, radio lidhje të njëjta me ato të konfiskuara në zyrën ilegale të Aleksandar Filipoviqit në komunën e Leposaviqit. Qytetarët e dinë se Filipoviq ka qenë ish shef i Operativës në drejtorin rajonale të veriut i cili është dekoruar nga presidenti i Serbisë, Vuçiq”, tha ai.
Ministri Sveçla tha më tej se me këto mjete kishin për qëllim realizimin e sulmeve terroriste ndaj qytetarëve dhe institucioneve të Republikës së Kosovës.
“E gjithë kjo dëshmi e radhës që presidenti i Serbisë, Aleksandar Vuçiq përmes grupeve dhe organizimeve të tilla synon të destabilizojë vendin tonë”, tha ai.
Sipas tij, ky rast konfirmon informacionet e pranuara nga institucionet e sigurisë së Kosovës se gjatë javëve të fundit nga territori i Serbisë janë futur në Kosovë vetura dhe automjete të tjera me armatime ushtarake.
“Vetura e konfiskuar është me targa të Beogradit, është pronë e një ndërmarrje shtetërore të Serbisë, saktësisht shoqëria aksionare ‘Hekurudhat e Serbisë’”, tha ai, duke shtuar se është e qartë kush qëndron prapa sulmeve dhe përpjekjeve terroriste brenda vendit tonë.
Ai bëri të ditur se granatat e dorës që janë konfiskuar janë prodhim serb i vitit 2021 që do të thotë se nuk janë armë që kanë mbetur nga lufta, por janë të furnizuara drejtpërdrejtë nga ushtria e Serbisë.
“I bëjmë thirrje Beogradit zyrtar të tërhiqet nga këto akte kriminale, e tash edhe terroriste dhe të ndalojë tentativat dhe dëshirën për eskalim të situatës në vendin tonë”, tha ai.
Ai ka ftuar edhe faktorin ndërkombëtarë që të reagojnë ashpër ndaj këtyre ngjarjeve dhe të dënojë sjelljen e dhunshme dhe terroriste të Serbisë ndaj Kosovës.
Ndërkaq, Sveçla, ka bërë po ashtu të ditur se në armatimin që kanë konfiskuar në veri, ka pasur edhe simbole të Rusisë. Ministri ka thënë se nuk do të zmbrapsen para bandave kriminale, transmeton Telegrafi.
“Fokus ynë duhet të jetë në punën sa më të mirë në mënyrë që të mbrojmë Republikën tonë e cila është e cenuar nga Serbia dhe me gjerë. Njëri nga jelekët antiplum ka shenja të Rusisë, që do të thotë se mund të kemi ndonjë në Kosovë të kësaj”, tha ai.
Ministri i Brendshëm në fund të konferencës ka bërë të ditur se do të kërkoj nga Qeveria e Kosovës që organizatat si “Mbrojtja Civile” dhe “Severna Brigada” të shpallen organizata terroriste. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
"Intimidimi i gazetares", deputeti Dimal Basha reagon pas kritikave të AGK-së dhe RTK-së
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak