Paul Wesley bën kërkesë për divorc nga Ines de Ramon teksa modelja po shijon romancën e re me Brad Pittin

Ka përfunduar edhe zyrtarisht marrëdhënia mes Paul Wesley dhe Ines de Ramon.

Ylli i “Vampire Diaries” bëri kërkesë për divorc nga gruaja e tij të premten (17 shkurt) pas pesë vitesh martesë, sipas dokumenteve të siguruara nga Us Weekly.

Wesley, 40 vjeç, përmendi “dallimet e papajtueshme” si arsyen e ndarjes së tyre, por vuri në dukje se ndarja e pasurisë së tyre do të vendoset më vonë.

Ish-çifti, i cili filloi lidhjen në vitin 2018, njoftoi ndarjen e tyre në shtator 2022 – por në fakt ishin të ndarë pesë muaj para se ta zbulonin për publikun.

Të dy tashmë kanë vazhduar jetën e tyre duke krijuar lidhje të reja romantike.

Wesley u lidh për herë të parë me modelen Natalie Kuckenburg në gusht 2022 pasi u fotografuan të kapur për dore në qytetin e New Yorkut.

Gjërat duket se po shkojnë mirë për yllin e “Star Trek: Strange New Worlds” dhe Kuckenburg, e cila është 18 vite më e re, pasi kanë kaluar edhe pushimet së bashku këtë vit.

Para lidhjes së tij me Kuckenburg dhe de Ramon, Wesley ishte i martuar më parë me yllin e “Vampire Diaries” Torrey DeVitto nga 2011 deri në 2013.

Ndërkohë, de Ramon është në lidhje me Brad Pitt që nga nëntori dhe dyshja po shijojnë lidhjen e tyre në distancë.

Në fakt, Pitt u sigurua që dita e Shën Valentinit të Ramonit të ishte një ditë për t’u mbajtur mend.

59-vjeçari i dërgoi një buqetë me bozhure rozë në zyrën e saj në Los Angeles – pavarësisht se ishte duke filmuar në New York.

Ashtu si ish-bashkëshorti i saj, de Ramon gjithashtu i kaloi pushimet me partneri e saj të ri.

Pitt dhe de Ramon shijuan një ditë relaksuese natën e Vitit të Ri ndërsa po pushonin pranë pishinës. /Telegrafi/