Para disa muajve e kemi parë në një film hollivudian së bashku me Morgan Freeman dhe John Travolta.

Bëhet fjalë për aktorin tetovar, Blerim Destanin, i cili ishte pjesë e filmit amerikan të titulluar, “The Poison Rose”.

Tashmë 38-vjeçari ka konfirmuar se do të merr pjesë edhe një film të huaj teksa ndihet krenar me këtë arritje jetësore.

Në fakt, artisti ka treguar se së shpejti do të mund ta shohim përkrah legjendës Robert De Niros si dhe Tommy Lee Jones.

“Krenar për projektin tim të tanishëm të filmit që punon së bashku me filmat e hollivudit, Robert De Niro dhe Tommy Lee Jones”, ka shkruar ai në llogarinë personale në Instagram duke mos dhënë shumë detaje të tjera.

Ndryshe, filmi ka të bëjë me dy producentë filmash, të cilët i kanë borxh një mafiozi, ku më parë i kishin marrë të holla sa as vetë nuk e kanë imagjinuar dhe përpiqen të shpëtojnë veten. /Telegrafi/