Pas sulmeve ruse në Ukrainë, reagon Ursula von der Leyen: Jam e shokuar dhe e tmerruar, kjo nuk do t’i frikësojë ukrainasit

Kryeministrja Kaja Kallas dhe presidentja e Komisionit Evropian, Ursula von der Leyen, kanë publikuar një video të përbashkët në pikëkalimin kufitar mes Estonisë dhe Rusisë.

“Jam e shokuar dhe e tmerruar me sulmet në Kiev dhe qytetet e tjera ukrainase. Rusia edhe një herë i tregoi botës se çfarë kërkon – terror dhe brutalitet. Përgjegjësit duhet të dënohen. Ndjejmë keqardhje për viktima, i shprehi ngushëllime miqve tanë ukrainas. E dimë se kjo ukrainasit nuk do t’i frikësojë, e ukrainasit e dinë se do të jemi përkrah tyre derisa të jetë e nevojshme”, tha von der Leyen ku përkrah saj qëndronte edhe Kallas, transmeton Telegrafi.

“Po qëndrojmë këtu në lindje të kufirit të Bashkimit Evropian. Në prapavijë është Rusia. Po u dërgojmë porosi të gjithë ukrainasve – ju mbështesim në të gjitha mënyra. Ajo çfarë duhet të bëjmë është t’ju dërgojmë sisteme kundërajrore në Ukrainë, kështu që ukrainasit të mund të mbrojnë qytetet e tyre – civilët. Rusia, ka esklauar duke i shkaktuar dëme të mëdha civilëve”, tha Kallas.

Ndryshe ushtria ruse sot ka filluar sulmet mbi qytetet ukrainase, ku si pasojë ka 11 civilë të vrarë dhe mbi 60 të plagosur. E sulmet mbi qytetet ukrainase, i ka konfirmuar edhe vet presidenti rus Vladimir Putin.

Ai këto sulme i cilësoi si kundërpërgjigje dhe vazhdimisht po paralajmëron se do të ketë sulme tjera edhe më të ashpra, që sipas tij do të realizohen nëse ukrainasit ndërmarrin ndonjë sulm të ri mbi ushtrinë ruse. /Telegrafi/

Shocked and appalled by the vicious attacks on Ukrainian cities.

Putin’s Russia has again shown the world what it stands for: brutality and terror.

I know that Ukrainians will stay strong.

We will stand with Ukraine for as long as it takes, with all the means we have. pic.twitter.com/Q9wgh62nzF

— Ursula von der Leyen (@vonderleyen) October 10, 2022