Kanë ardhur pamjet e para nga historia e dashurisë që në vitin 2006 e kemi parë në Paris, pastaj në vitin2008 në Neë York, ndërsa vazhdimi i romancës zhvillohet në Berlin.

Disa vite pas filmave “Paris, I Love You” (“Paris, je t’aime”) dhe “New York, I Love You”, regjisorët Dianna Agron, Peter Chelsom, Fernando Eimbcke, Justin Franklin, Dennis Gansel, Dani Levy, Daniel Lwowski, Josef Rusnak, Til Schweiger dhe Massy Tadjedin – kanë vendosur të bëjnë një dramë të re dashurie me titull “Berlin, I Love You”.

Detajet e filmit të ri nuk janë shumë të njohura, ndërsa dihet se do të sjellë dhjetë tregime dashurie nga kryeqyteti gjerman, gjë që ka ndodhur edhe me filmat e mëparshëm.

Sa i përket ekipit të aktorëve, në film do të shohim Keira Knightley, Luke Wilson, Helen Mirren, Jim Sturgess, Mickey Rourke, Jenna Dewan, Hayden Panettiere, Emily Beecham, Dianna Agron, Veronica Ferres dhe shumë të tjerë.

Dy filmat e mëparshëm kanë arritur suksese të mëdha, ndërsa kritikët parashikojnë se do të pëlqehet edhe filmi i ri.

Premiera e “Berlin, I Love You” është caktuar për datën 21 mars 2019 dhe do të jepet në Greqi, ndërsa më pas do të nisë shfaqja nëpër kinematë botërore.

“Rio, I Love You” (“Rio, Eu Te Amo”) është një tjetër film i këtij lloji që është lansuar në vitin 2014. /Telegrafi/