LAJMI I FUNDIT:

Pamje rrëqethëse: Trupat e foshnjave, duke u dekompozuar, gjenden në spitalin e Gazës – pasi ato duhej të braktiseshin mes sulmeve izraelite

Pamje rrëqethëse: Trupat e foshnjave, duke u dekompozuar, gjenden në spitalin e Gazës – pasi ato duhej të braktiseshin mes sulmeve izraelite

Një video rrëqethëse thuhet se tregon foshnjat e braktisura të vdekura brenda njësisë së Kujdesit Intensiv pediatrik të një spitali në Gaza, disa javë pasi u evakuua për shkak të sulmeve izraelite.

Në video, gazetari Mohammed Baalousha, me kanalin televiziv të Emirateve Al-Mashhad, pati qasje në Spitalin e Fëmijëve Al-Nasr në qytetin e Gazës.

Dhe pamjet “e mbuluara” duket se tregojnë tri nga pesë foshnjat e vdekura të shtrira në shtretër, përcjell Telegrafi.

"Gaza duhet të mbetet palestineze", thotë SHBA-ja pas raporteve që Izraeli dëshiron "tampon zonë"
Lexo po ashtu "Gaza duhet të mbetet palestineze", thotë SHBA-ja pas raporteve që Izraeli dëshiron "tampon zonë"

NBC News tha se kishte marrë pamje të papërpunuara nga kanali dhe kishte shqyrtuar përmbajtjen e tij.

“Tani do të shihni skena të tmerrshme të këtij spitali”, ka thënë Baalousha në video, sipas një përkthimi nga NBC News, shkruan Business Insider.

Videoja u filmua rreth dy javë pasi spitali u evakuua në mes të pushtimit tokësor të Gazës nga forcat izraelite.

Më 9 nëntor, sulmet ajrore goditën spitalin dhe ndërprenë furnizimin me oksigjen të njësisë së kujdesit intensiv neonatal.

Stafi i spitalit dhe pacientët me sëmundje kritike u evakuuan nga objekti, por pesë foshnjat e lindura para kohe në kujdesin intensiv nuk mund të hiqeshin, sipas zyrtarëve të spitalit.

Dr. Mustafa Al-Kahlot, drejtor i spitalit, tha për NBC News se foshnjat, disa prej të cilëve ishin në makineritë e oksigjenit, nuk mund të evakuoheshin në mënyrë të sigurt.

“Evakuimi ynë nga spitali Al-Nasr ishte shumë i vështirë dhe i rrezikuar nga sulmet”, tha ai. “Fëmijët nuk mund të barten me dorë ose të evakuohen pa pajisje oksigjeni”.

Izraeli thotë se është i vendosur të eliminojë Hamasin në mbarë botën - edhe nëse duhen vite për ta bërë këtë
Lexo po ashtu Izraeli thotë se është i vendosur të eliminojë Hamasin në mbarë botën - edhe nëse duhen vite për ta bërë këtë

Dy patologë të pavarur mjeko-ligjorë kanë thënë për NBC se foshnjat në video ishin në faza të avancuara të dekompozimit – një trup kishte insekte që zvarriteshin mbi të – në përputhje me afatin kohor të përafërt dy-javor që kur u braktisën.

Ndërkohë në një video të marrë gjatë periudhës së evakuimit, Al-Kahlot përshkroi situatën e rëndë dhe tha se një fëmijë vdiq për shkak të “mungesës së oksigjenit”, sipas NBC News.

Ndryshe, ofensiva izraelite ka vrarë më shumë se 15,000 njerëz në Gaza, duke përfshirë më shumë se 6,000 fëmijë, sipas ministrisë së shëndetësisë. /Telegrafi/

Në trend Botë

Më shumë
Aleati i NATO-s i thotë Ukrainës të kalojë

Aleati i NATO-s i thotë Ukrainës të kalojë "vijën e kuqe të Putinit"

Botë
Aeroplanët e aleancës ndjekin ata rusë mbi Detin Baltik – NATO publikon pamjet

Aeroplanët e aleancës ndjekin ata rusë mbi Detin Baltik – NATO publikon pamjet

Botë
Ata nuk kanë nevojë për kondicioner: Si Burkina Faso po ndërton shkolla që ruajnë freskinë edhe në 40 gradë Celsius

Ata nuk kanë nevojë për kondicioner: Si Burkina Faso po ndërton shkolla që ruajnë freskinë edhe në 40 gradë Celsius

Afrika
Suedia i përgjigjet kërcënimeve ruse për anëtarësimin në NATO

Suedia i përgjigjet kërcënimeve ruse për anëtarësimin në NATO

Botë
Vjen reagimi i BE-së pasi Serbia nuk e mbështeti deklaratën e shteteve të BE-së lidhur me vdekjen Aleksei Navalny

Vjen reagimi i BE-së pasi Serbia nuk e mbështeti deklaratën e shteteve të BE-së lidhur me vdekjen Aleksei Navalny

Serbia
Njerëz të vdekur, mijëra bagëti të ngordhura në Teksas – pamje të ‘zjarrit të dytë më të madh në historinë e SHBA-së’

Njerëz të vdekur, mijëra bagëti të ngordhura në Teksas – pamje të ‘zjarrit të dytë më të madh në historinë e SHBA-së’

Amerika
Kalo në kategori